Nota de prensa:
CERVO PARTICIPARÁ NUN PROXECTO PILOTO A NIVEL GALEGO PARA O FOMENTO DA ACTIVIDADE FÍSICA
*
O Concello e a Secretaría Xeral para o Deporte veñen de firmar un convenio de colaboración para a posta en marcha en Cervo do Plan “Galicia Saudable” promovido pola Xunta de Galicia
Cervo, 24 de setembro de 2010.- O Concello de Cervo acaba de asinar un convenio de colaboración coa Secretaría Xeral para o Deporte da Xunta de Galicia co obxecto de desenvolver un proxecto piloto a nivel autonómico consistente na implantación dunha Unidade de Promoción do Exercicio (UPE) neste municipio. Así o deron a coñecer este mediodía o alcalde de Cervo, Alfonso Villares e o edil de Deportes, Rubén Fernández.
Este proxecto forma parte do Plan de Fomento da Actividade Física ‘Galicia Saudable’ da Secretaría Xeral para o Deporte mediante o cal se persegue dar unha resposta integral ao sobrepeso e o sedentarismo. As Unidades de Promoción do Exercicio que se ubicarán nos distintos concellos galegos serán as encargadas de levar a cabo a implantación de dito Plan mediante a posta en marcha de programas de acción á poboación para garantir a mellora da saúde e da calidade de vida dos veciños a través da promoción e fomento da práctica regular de actividades físicas saudables.
“Trátase de promover e impulsar a práctica da actividade fisica de xeito regular e saudable. Evitando o sedentarismo en todos os colectivos e as idades e prestando especial atención a sectores da poboación coma escolares, persoas da terceira idade, discapacitados, inmigrantes ou persoas con enfermidades suceptibles de prevención e mellora mediante o exercicio” indicou o edil de Deportes cervense.
Con esta finalidade o Concello ten previsto habilitar unha sede para a Unidade de Promoción do Exercicio que servirá coma punto de referencia co fin de atender e asistir aos cidadáns en materia de práctica regular e adecuada do exercicio físico saudable e na que desempeñarán o seu traballo dous profesionais na materia. Ademais, está previsto poñer tamén en marcha un punto “Móvete”, consistente nun espazo para dirixir sesións de actividade física saudable preferentemente enfocada a adultos e maiores sedentarios. Tamén se creará un servizo de atención e asistencia á poboación con sobrepeso ou obesidade dirixido especialmente a escolares en coordinación cos centros escolares e de saúde; e porase en marcha un servizo de avaliación e asesoramento a persoas cuxas características requiran unha atención personalizada para a práctica deportiva (enfermos cardiovasculares ou con patoloxías que aconsellen adaptacións específicas do exercicio).
O rexedor local, Alfonso Villares, destacou a importancia desta iniciativa posta en marcha en colaboración coa Xunta de Galicia “porque é unha aposta por traballar para cambiar, en clave de actividade física e de saúde, a nosa sociedade”, aseverou Villares. “Unha das bases de toda acción política ten que ser a promoción das condicións necesarias para que os cidadáns de calquera idade e condición teñan a posibilidade de practicar actividade física e deporte”, agregou Villares, sinalando que o grupo de Goberno local leva anos traballando neste eido “e por iso non imos escatimar esforzos para levar adiante e conseguir alcanzar os nosos obxectivos que nos temos marcado nesta materia”.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
