Nota de prensa:
MAÑÁ COMEZA EN RIBADEO A MOSTRA DE TEATRO AFECCIONADO DANIEL CORTEZÓN. AS REPRESENTACIÓNS SERÁN GRATUITAS E TERÁN POR ESCENARIO O CINE TEATRO.
Ribadeo, 16 de setembro de 2010. Mañá comeza en Ribadeo a Mostra de Teatro Afeccionado Daniel Cortezón. As representacións serán gratuitas e terán por escenario o Cine Teatro.
A concelleira de Cultura, Mariluz Álvarez Lastra, convida “a todos os veciños e visitantes a que acudan á VIII Mostra de Teatro Afeccionado Daniel Cortezón. Unha cita que naceu hai oito anos da man da persoa a que quixemos homenaxear no seu momento por ser un escritor relevante no teatro e pola colaboración que tivo coa Concellaría de Cultura e co pobo de Ribadeo. Quizáis este ano sexa moi especial porque será o primeiro no que non estará con nós Daniel Cortezón, celébrase ese aniversario do seu falecemento, aínda que as datas non coinciden, e a cita ten un significado moi especial. Este ano queremos homenaxear aínda máis a súa figura e darlle as grazas por todo o que contribuiu ao teatro e a colaboración expresa co Concello”.
A edil nacionalista subliñou que “as representacións serán no Cine Teatro de Ribadeo e as entradas son gratuitas. A mostra empeza mañá e remata o domingo. Inauguramos a mostra o venres ás 20:30 horas co grupo de teatro do instituto Vilar Ponte de Viveiro, dirixido por María Lozano. Porán en escea Aventuras e desventuras do Camiño de Santiago. O sábado haberá unha obra para os máis pequenos e para o público familiar. Ás 17:30 horas a compañía de Narón Aturuxo de Melpómene porá en escea As tres mosqueteiras en procura de D’Artagnan e logo remataremos o domingo cunha compañía de Santiago Tangatutanga que recibiu numerosos premios tanto á mellor dirección como á mellor posta en escea por esta representación. A obra que traen a Ribadeo é un crítica humorística denominada Aberto por folga, cabaré laboral”.
Mariluz Álvarez Lastra dixo que “os que acudan ao Cine Teatro disfrutarán desta mostra na que veremos un nivel excepcional do teatro afeccionado”.
ÚLTIMA HORA
- O Concello de Viveiro abre a convocatoria do programa «Fórmate na empresa» para a mocidade
- A veciñanza de Foz poderá propoñer nomes para once rúas do municipio
- Celeiro de Mariñaos celebra este domingo a cuarta edición da súa Festa do Veciño
- O Alfoz do Castrodouro celebra con tres foguetes este domingo a recuperación do seu topónimo histórico
- O Grupo Teatral O Centiño, de San Martiño (Foz), porá en escena a súa última obra, O Autobús, en Marzán
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca. - Este venres arrincaron en Ribadeo as xornadas gastronómicas da xarda, que organiza Acisa coa colaboración da OPP do Porto de Burela
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro. - O club de lectura de Barreiros recibirá este sábado a visita do recoñecido escritor Lionel Rexes (afincado no Valadouro) nun encontro cerrado para os usuarios do club de lectura que terá lugar na Biblioteca Pública Municipal
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”. - Navia abriu este xoves o XVI Concurso de Pinchos e Tapas de Autor, que se celebra ata o domingo con 19 locais participantes e creacións a 2,50 €
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica. - O Festival da Ostra de Castropol 2026 celebrarase do 30 de abril ao 3 de maio
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba. - A subdelegada do Goberno en Lugo, Olimpia López, asistiu este mércores en Vilalba á saída da segunda etapa de O Gran Camiño 2026, que conectou a Terra Chá coa Mariña lucense
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados. - O Concello de Cervo ten aberto o prazo de inscrición para participar na XL Edición do Día do Xubilado, que se celebrará o 1 de maio
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
2021 Crónica 3 A Mariña - Implementado por GaliciaDigital