Nota de prensa
COMEZOU EN BURELA A SEMANA EUROPEA DA MOBILIDADE QUE ORGANIZA A DELEGACIÓN DE MEDIO AMBIENTE CO OBXECTIVO DE QUE A CIDADANÍA ADQUIRA HÁBITOS DE MOBILIDADE SOSTIBLES E RAZOABLES.
Burela, 16 de setembro de 2010. Comezaron en Burela as actividades da Semana Europea da Mobilidade que organiza a Delegación de Medio Ambiente co obxectivo de que a cidadanía adquira hábitos de mobilidade sostibles e razoables.
A edil Lucía Bouza explicou que “hoxe desde a Delegación de Medio Ambiente estamos de celebración porque comeza a Semana Europea da Mobilidade que se celebra desde hoxe e ata o vindeiro 22 de setembro. Esta mañá xa houbo actividades cos nenos, os alumnos de cuarto de primaria do CEIP Vista Alegre xa participaron en Paseando ao colexio, trátase de que reflexionen sobre a posibilidade de ir andando ao centro. Viñeron acompañados polas monitoras de Gaia e por membros da Policía Local, onde tamén lles ensinaron cuestións relativas á educación vial. Tamén tivemos ximnasia de mantemento para adultos na praza do Concello e xa a partires das cinco da tarde teremos cousas para o público infantil, van debuxar, cortar e pegar o logo da Semana Europea da Movilidade”.
A concelleira socialista engadiu que “mañá teremos unha mesa informativa da mobilidade de 10 a 13 horas que estará instalada no mercado semanal, pola tarde de novo haberá actividades para os nenos que pintarán a rúa e farán globoflexia na praza da Mariña e xa ás 18 horas teremos no salón de plenos do Concello unha charla denominada Cómo pasear co can e sobrevivir na cidade. Vai ser impartida por unha adestradora de cans e por un veterinario. Ao remate da conferencia repartiranse utensilios portadores de bolsas para recoller os excrementos dos cans na rúa”.
A responsable de Medio Ambiente dixo que “o obxectivo que nos marcamos desde a Delegación de Medio Ambiente é que a xente pense e recapacite sobre a necesidade ou non de usar o coche como medio de transporte en todos os desprazamentos que facemos. Con que a xente reflexione sobre iso xa nos damos por satisfeitos. O público infantil sí que o fai e esperemos que no futuro todos adquiran hábitos de mobilidade sostibles e razoables”.
O sábado haberá diversas actividades e un ensaio público da Burela Blues Band a partires das 16:30 horas na praza do Concello. E o domingo entre as 9 da mañá e as 21 horas da noite permanecerán cortadas ao tráfico as rúas Rosalía de Castro (entre os cruces con Eijo Garay e Lamestra), Pardo Bazán (entre Lamestra e Eijo Garay) e Curros Enríquez (entre os cruces con Castelao e Nosa Señora do Carme). Ese día haberá actividades con bicicletas, patíns, patinetes… nas rúas pechadas ao tráfico, Palillando na rúa e ás 19 horas chocolatada para todos e todas na praza do Concello.
As actividades da Semana Europea da Mobilidade que foron presentadas esta mañá por Lucía Bouza e polo alcalde de Burela, Alfredo Llano, seguirán ata o vindeiro 22 de setembro.
ÚLTIMA HORA
- A Deputada de Réxime Interior, Promoción do Territorio e Turismo, Pilar García Porto, participou este sábado na Escola da Liga Santaballesa de Vilalba na presentación da programación das XVI Xornadas sobre migración indianas e da XVI Feira do Indiano, que se celebrarán o vindeiro 12 de setembro
- Burela presenta o novo libro dos Bolechas dedicado á multiculturalidade da vila
- Por Nuestro Faro pide explicacións pola celebración dun evento privado na Illa Pancha durante a prohibición de observar o eclipse
- O Restaurante & Catering Los Olivos, xunto á praia de Navia, organizará o 12 de agosto unha espicha especial para seguir o eclipse desde unha localización destacada, segundo o astrónomo Hugo García Fernández
- A Deputada de Réxime Interior, Promoción do Territorio e Turismo, Pilar García Porto, participou este sábado na Escola da Liga Santaballesa de Vilalba na presentación da programación das XVI Xornadas sobre migración indianas e da XVI Feira do Indiano, que se celebrarán o vindeiro 12 de setembro
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”. - O Restaurante & Catering Los Olivos, xunto á praia de Navia, organizará o 12 de agosto unha espicha especial para seguir o eclipse desde unha localización destacada, segundo o astrónomo Hugo García Fernández
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”. - A A.C. Pomba do Arco organiza o vindeiro xoves 13 de agosto, ás 20:30 horas, un acto público no salón de actos do Cenima de Foz dedicado á memoria da emigración mariñá
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade. - Éxito de participación nas escolas deportivas de verán do Concello de Ribadeo
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”. - A conselleira de Vivenda e Planificación de Infraestruturas, María Martínez Allegue, acompañada polo delegado territorial da Xunta en Lugo, Alfonso Villares, mantivo este mércores unha reunión de traballo co alcalde de Xove, Demetrio Salgueiro
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica. - San Miguel de Reinante, en Barreiros, encherase de música, cor e tradición este sábado, 8 de agosto, co XLIII Festival Folclórico Internacional do Emigrante, declarado Festa de Interese Turístico
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible. - A exposición sobre Carmen Arias, Mimina, prolóngase até o 12 de agosto en Sargadelos
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
2021 Crónica 3 A Mariña - Implementado por GaliciaDigital