Nota de prensa:
O IGVS ENTREGA UN GRUPO DE 24 VIVENDAS DE PROMOCIÓN PÚBLICA NO CONCELLO LUCENSE DO VALADOURO
O investimento total realizado polo Instituto Galego de Vivenda e Solo (IGVS) nestes inmobles supera os 2,1 millóns de euros
Doce vivendas entregáronse en réxime de alugueiro e as outras doce na modalidade de compravenda, quedando vacantes seis máis que se adxudicarán a través do Rexistro Único de Demandantes de Vivenda
O director do IGVS, Antonio Boné, e a delegada territorial da Xunta, Raquel Arias, presidiron o acto de entrega, no que destacaron o decidido esforzo do Executivo galego para apoiar aos cidadáns na adquisición ou aluguer de casas
O Valadouro, 16 de setembro de 2010.- O Instituto Galego da Vivenda e Solo (IGVS) entregou aos seus adxudicatarios 24 vivendas de promoción pública construídas no concello lucense de O Valadouro, cun investimento 2.144.157,81 euros.
A delegada territorial da Xunta en Lugo, Raquel Arias, e o director do IGVS, Antonio Boné, xunto co alcalde do municipio, Eulogio Sampayo, foron os encargados de facer entrega dos títulos de propiedade destes inmobles, pertencentes a unha promoción de 30 vivendas en total. Quedan vacantes outras seis vivendas, que serán adxudicadas a través do Rexistro Único de Demandantes de Vivenda.
Antonio Boné reiterou a importancia de seguir apostando pola construción de vivendas de promoción pública. “Seguiremos traballando, a través do Consellería de Medio Ambiente, Territorio e Infraestruturas e, particularmente, a través do IGVS, para facilitar aos lucenses o acceso a un fogar”, enfatizou o director do organismo autonómico de Vivenda.
A delegada territorial da Xunta en Lugo, Raquel Arias, destacou que o Executivo autonómico “amosa o seu compromiso de desenvolver medidas de apoio aos cidadáns para a adquisición ou aluguer de vivenda” e de xeito especialmente decidido nun momento económico como o actual.
Neste sentido, a través das actuacións do Goberno galego neste ámbito, durante o presente ano foron entregadas xa 102 vivendas de promoción oficial, outras 117 están a piques de selo e outras 252 atópanse en execución. En total, 451 vivendas distribuídas por toda a provincia, cuxo investimento supera os 30 millóns de euros.
Condicións técnicas das vivendas do Valadouro
A metade das vivendas (doce) foron entregadas en réxime de compravenda, cun prezo de venda entre 53.287 e 53.723 euros. As outras doce corresponden a réxime de alugueiro, xa que a normativa obriga á adxudicación neste réxime ás familias con ingresos que non superen 1,5 veces o Indicador Público de Renda de Efectos Múltiples (Iprem). Os adxudicatarios pagarán rendas mensuais entre 125.61 e 126.36 euros.
Un total de 26 vivendas dispoñen de catro dormitorios e superficie útil entre 89 e 90 metros cadrados. As outras catro dispoñen de tres dormitorios e superficie útil entre 82 e 83 metros cadrados. Tódodos inmobles contan ademais con salón, cociña, baños e tendedeira e tamén dispoñen de garaxe e trasteiro.
As vivendas contan con pavimentos de parqué de madeira e plaqueta de gres, alicatados con azulexo, carpintería interior de madeira vernizada e exterior de aluminio lacado con dobre acristalamento térmico.
Tódolos inmobles contan con sistema individual de calefacción e auga quente sanitaria con caldeira de gas. A construción destas 30 vivendas en Ferreira do Valadouro iniciouse no mes de febreiro de 2005, investíndose nas mesmas 2.144.157,81 euros, o que conleva un investimento medio por vivenda de 71.471,93 euros.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
