Nota de prensa:
AS OBRAS DE REMODELACIÓN DO IES GAMALLO FIERROS XA CONTAN CON LICENCIA MUNICIPAL. ÉSTA FOILLE CONCEDIDA NA XUNTA DE GOBERNO DO CONCELLO NA QUE TAMÉN SE DERON AS LICENCIAS DE OBRA E ACTIVIDADE INICIAL PARA KOODZA E MERKAL CALZADOS, FIRMAS QUE SE INSTALARÁN EN VILAR.
Ribadeo, 22 de outubro de 2010. As obras de remodelación do IES Dionisio Gamallo Fierros xa contan con licencia. Ésta foille concedida na xunta de goberno do Concello na que tamén se deron as licencias de obra e actividade para as naves nas que se instalarán Koozda e Merkal Calzados en Vilar.
O alcalde de Ribadeo explicou que “na xunta de goberno aprobóuse esta licencia para as obras tan importantes de remodelación do IES Dionisio Gamallo Fierros despois de que a ultimísima hora da mañá de onte se presentaran por parte do adxudicatario as garantías e os cartos correspondentes para finalizar este procedemento. Non hai ningún problema por parte do Concello de Ribadeo para que as obras se reanuden e nada máis lonxe da nosa intención foi ter que paralas, pero todos somos iguais diante da lei e as administracións son iguais que os particulares e a mesma política que lles aplica a eles tamén a teñen que cumprir as administracións”.
Fernando Suárez engadiu que “o Concello deu tamén licencia de obra e de actividade inicial para estas dúas firmas que se van instalar nunha zona consolidada comercialmente como é Vilar, onde está Eroski, Lidl e Bricoking e dentro de pouco espérase que para a primavera do ano que ven estean en funcionamento Koodza e Merkal Calzados. Koodza é unha marca de Decathlon que está especializada en roupa deportiva e utiliza esta firma para vilas de tamaño media nas que venden as súas marcas principais e Merkal Calzados está adicada á venda de calzado a baixo prezo en réxime de autoservizo”. En total ocuparán unha superficie de 1.500 metros cadrados.
O rexedor subliñou que “ese lugar está contemplado no planeamento urbanístico para dar este tipo de licencias de obra e as actividades son regladas polo que non podemos facer outra cousa que concederlles esas licencias. Ás veces se pode pensar que a competencia pode ser boa ou mala tamén para o comercio, porque ten cousas positivas e negativas, pero tamén hai que pensar que si esto non se monta en Ribadeo nada impediría que se puidesen montar noutros concellos da Mariña ou do Occidente asturiano e iso para Ribadeo sería malo”. Suárez Barcia asegurou que “é un investimento importante o que se vai facer no noso concello e a xulgar polo que me indican os responsables destas dúas firmas crearánse un mínimo de 12 postos de traballo e desde logo é unha boa cousa para Ribadeo como centro de atracción do comercio e do sector servizos no que está destacado, dado que o sector secundario é incipiente e a través do polígono agardamos que se vaian enchendo as parcelas vacantes e o sector primario está máis vido a menos. Entendo humildemente que ésta é unha boa noticia para Ribadeo”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
