Nota de prensa:
O BNG denuncia que o PP continúa a marxinar e a castigar a Foz.
O PP vota no Parlamento contra o Centro de Día e a Residencia de Foz.
O Bloque Nacionalista Galego denunciou hoxe que na sesión da comisión 5º do parlamento de Galiza, isto é da Comisión de Traballo e de Benestar Social, o Partido popular votou en dúas ocasións contra a construción dun Centro de Día e dunha Residencia da Terceira Idade en Foz tal como se solicitaba en dúas emendas unha presentadas polo BNG e polo Partido Socialista. Segundo explicou o Portavoz nacionalista, Xoán Carlos González Basanta “ a proposta do BNG non pretendía outra cousa que facer efectivo o acordo adoptado por unanimidade polo conxunto dos grupos da Corporación de Foz que demandaban que nos orzamentos de 2011 se recollese unha cantidade de diñeiro que posibilitase a a licitación da obra en 2011 e o seu remate no horizonte do 2013”. “O PP volveu a fallarlle a Foz” en palabras de Basanta quen criticou que “os populares votan unha cousa en Foz e outra en Compostela o que evidencia que Foz non é unha prioridade para os populares e tamén a falta de peso político dos populares locais. O grupo parlamentario do PP volveu de novo a desautorizar ao PP de Foz e o que é máis grave todo iso co silencio dos populares locais que antepoñen os intereses dos seus mandamáis galegos aos intereses dos veciños de Foz”.
Basanta insistiu que o PP establece unha dobre vara de medir para os veciños de Foz negándolle servizos que implanta noutros Concellos. “Non é de recibo que a Conselleira de Traballo e Benestar a medio dun convenio a cargo de fundos do plano concertado asine un acordo co Concello de Cervo para a construción dunha residencia e que sen embargo poña en dúbida que Foz precise deste servizo. Esta claro que non é un problema de falta de dispoñibilidade orzamentaria, posto que para Cervo ou para Barreiros existe dotación, senón que estamos diante doutro caso de falta de vontade política que condena e discrimina aos veciños de Foz, en definitiva chove sobre mollado”, afirmou o portavoz Municipal dos nacionalistas.” Hoxe no Parlamento de Galiza o PP deixou claro a súa oposición a residencia e ao centro de dia de Foz, cando a Xunta xa dispón a día de hoxe dos terreos que no seu momento lle solicitou a Xunta bipartita, polo que despois de case dous anos, sen facer nada ao respecto parece obvio que é aos veciños de Foz aos que lles toca falar. É unha autentica tomadura de pelo, unha escusa para deixar a Foz sen este servizo que o PP afirme que se precisa un estudo para determinar a viabilidade da residencia cando no seu momento a Xunta de Galiza demandou uns terreos cunha condicións determinadas para un número de prazas e cando o propio Feijoo en campaña electoral comprometeu este servizo para os veciños de Foz” recalcou Basanta.
Os nacionalistas recordáronlle aos populares que o exercicio da acción de goberno require dar trigo e non predicar. “É unha broma de mal gosto que o PP de Foz formule grandes propostas para o futuro pero que na contra se negue a cumprir coas reivindicacións dos veciños de Foz, mesmo con aquelas que no seu momento apoiaron. Os militantes do PP de Foz calando e dando por boa que Foz non conte con este equipamento tan necesario semellan que non son veciños deste Concello e cando menos deberían explicar que ten Foz a diferencia doutros concellos para non contar con este servizo. Moito nos tememos que isto o que está a demostrar e que nin o PP de Galiza se toma en serio aos populares de Foz e que os populares de Foz andan a cousas ben distintas que a defender diante do seu partido os intereses dos veciños de Foz” afirmou Basanta que indicou que “é o momento que os focegos digamos non a discriminación pero tamén a resignación, posto que está en xogo servizos para os nosos maiores e emprego para a xente da vila”.
Xa por último Basanta anunciou que na vindeira semana o Parlamento de Galiza debaterá unha proposición non de lei na que lle esixe a Xunta de Galiza a construción en Foz dun centro de dia con 50 prazas e dunha residencia con 75, na liña do comprometido no seu día pola Xunta de Galiza para a cal o Concello de Foz puxo a súa disposición terreos ao pé do Asilo.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
