Nota de prensa
A normativa deixaría fora de ordenación as vivendas de máis de 3.000 veciños así como as naves do Parque Empresarial.
O BNG de Foz advirte que a Xunta pretende aprobar o POL definitivamente clasificando como rústico todo o solo fora da vila
Foz, 28 de decembro de 2010.- O Bloque Nacionalista Galego denunciou que a Xunta de Galiza teña previsto aprobar antes de final de ano de xeito definitivo o Plano de Ordenación de Litoral sen dar resposta as alegacións presentadas polo Concello de Foz no que ten a ver coa clasificación como solo rústico das bolsas de solo de núcleo rural recollidas como tal no planeamento. O Planeamento que recolle o POL só fixa como urbano, a parte da Vila que ten esa consideración nas NSP do 81, clasificando como urbanizábel parte de Vilaronte, Fazouro e Cangas, a máis das dúas bolsas de urbanizábel que existen na Vila e clasifica como solo rústico o resto de solo do Concello. Dáse así o caso de que non aparece delimitado en todo o Concello nin unha soa bolsa de solo de núcleo rural até o punto de que as áreas de solo que tiña esa clasificación urbanística nos lugares de Cangas, Nois, Fazouro, Cordido, Vilaronte e San Martiño de Mondoñedo, segundo a cartografía do planeamento que se recolle no POL aparecen clasificadas como solo rústico de protección ordinaria.
Neste sentido, segundo afirmou Basanta, “débese reparar que nestes bolsas de solo de núcleo rural que segundo a cartografía utilizada pola Consellaría para elaborar o POL dáselles a consideración de solo rústico de protección ordinaria residen máis de 3.000 persoas, sendo boa parte das vivendas construídas nos últimos 20 anos, e tomando o Concello como criterio para outorgar a preceptiva licencia urbanística a consideración destes solos, como solos de núcleo rural. Xa que logo non se comprende como na cartografía manexada pola Xunta de Galiza para elaborar o POL non existe en todo o Concello de Foz unha soa bolsa de solo de núcleo rural, cando nestes últimos 20 anos existe esta clasificación urbanística no planeamento municipal”.
O portavoz Municipal do BNG recordou que “a mesma contradición entre o planeamento vixente e o utilizado pola administración autonómica para elaborar o Pol atopábanola nos caso dalgúns solos urbanizábeis do Concello. Así aparecen pintadas tres bolsas de solo urbanizábel en Cangas, Vilaronte e Fazouro que non existen no planeamento desde a modificación puntual do 90, tendo desde aquela eses solos a consideración de núcleo rural; outro caso semellante acontece cos predios nos que se sitúa o Parque Empresarial de Foz, cun Plan Parcial aprobado definitivamente desde 2003, co seu proceso de urbanización rematado e executado e ocupado case na súa totalidade por naves empresariais tanto na parte desenvolvida por Xestur como na parte desenvolvida pola iniciativa privada e que aparece clasificado como urbanizábel non delimitado; mesmamente clasificase como urbanizábel non delimitado dous urbanizabeis existentes na Vila que nas NSP de 1981 teñen a consideración de de urbanizábel delimitado e que no PXOM actualmente en fase de aprobación inicial nalgún caso é considerado como urbano consolidado”.
Xan Carlos G. Basanta insistiu por último no “grave prexuízo que se crea no caso do concello de Foz por utilizar a administración autonómica un planeamento que non se corresponde co vixente no Concello. Aínda así, repárese que só as áreas de solo urbano e de núcleo rural fican excluídas das determinación do POL ,ao carecer Foz segundo a cartografía usada pola Xunta de solo de núcleo rural a totalidade das parroquias do Concello, agás a vila, vense afectadas polo mesmo. Neste estado de cousas atopamos caso de como corredores de rios, deixan fora de ordenación vivendas na totalidade das parroquias litorais do Concello, ou como en entidades de poboación que teñen a consideración de Núcleo de Identidade Litoral non se permite ningún uso residencial. Máis grave aínda sería, a situación que se crea con todas aquelas edificacións existentes fora da capitalidade municipal,a única entidade onde a Xunta recoñece solo urbano, posto que se atendemos ao planeamento que a Xunta recolle no POL fican fora de ordenación”.
Os nacionalistas criticaron tamén que o Partido Popular que afirmou que se marcaba como prioridade a elaboración dun novo PXOM para Foz “non abra agora a boca, cando o POL condiciona a elaboración de calquera instrumento de planeamento, e de xeito moi particular o PXOM, polo que sería bo que nos explicase para que quere ese novo Plan ou si simplemente queren un novo Plan para modificar a clasificación urbanística dalgúns solos que existen no noso Concello ou para resolver os entortos que xerou Rivera coa súa discrecionalidade a hora de dar licencias”
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
