Nota de prensa
AS OBRAS DO SANEAMENTO DE SAN CIPRIÁN NON SE ESTÁN VENDO AFECTADAS POLO PARÓN DE NADAL
* Os traballos estanse intensificando nestas datas festivas co obxectivo de adecuarse aos prazos previstos para o remate das obras
* Así llo comunicaron onte ao alcalde, Alfonso Villares, os responsables da empresa adxudicataria das obras
Cervo, 28 de decembro 2010.- O alcalde de Cervo, Alfonso Villares, indicou hoxe que as obras da nova rede de saneamento de San Ciprián continuarán a un ritmo normal tamén nestas datas do Nadal. Así llo confirmaron onte pola tarde ao rexedor local os responsables da empresa adxudicataria destes traballos durante unha visita de rutina feita a distintos puntos onde se están desenvolvendo as obras.
Villares indicou que actualmente os traballos céntranse na finalización dalgúns detalles da construción do tanque de tormentas que vai soterrado no Parque Reina Sofía. “Concretamente estase facendo a canalización para subministrar de enerxía eléctrica a esta infraestrutura, e unha vez finalicen estas obras procederase a restituír o céspede e o xardín do parque tal e como estaba antes de que comezaran os traballos” sinalou. Tamén se están realizando pequenos traballos complementarios ao longo do tramo de rede de sumidoiros que atravesa a vía de Feve e se está rematando a urbanización da contorna da Estación Depuradora de Augas Residuais (EDAR), situada no polígono de Cuíña.
O alcalde recordou que esta actuación leva prolongándose no tempo debido inicialmente a motivos de carácter político derivados da rescisión da adxudicación feita pola Xunta bipartita. En canto aos traballos materiais Villares recoñeceu tamén que levan un certo atraso. Neste caso debido ás dificultades derivadas do tipo de solo polo que discorre unha gran parte das obras. “Aínda así, os traballos estanse desenvolvendo a bo ritmo e estanse facendo cunha gran profesionalidade. A nosa máxima prioridade é que as obras se fagan coas máximas garantías de seguridade e de calidade e contamos que podan estar finalizadas a principios do 2011” indicou Villares.
O bipartito recortou 1,8 millóns de euros no proxecto
O mandatario local recalcou que o proxecto inicial fora aprobado e adxudicado en 2005 polo anterior goberno de Manuel Fraga cun orzamento de 6,3 millóns euros, pero nada máis chegar socialistas e nacionalistas á Xunta decidiron paralizar o contrato sen razón algunha e finalmente recortaron o seu presuposto a 4,5 millóns de euros, recorte que operou en contra dos intereses dos veciños e veciñas de San Ciprián.
Obxectivo cumprido
O novo saneamento de San Ciprián constitúe unha promesa electoral firme do Partido Popular de Cervo. O Goberno Municipal vén traballando neste obxectivo desde fai tempo. Afortunadamente, as xestións do Goberno local posibilitaron o desatranco desta importante infraestrutura básica a pesares de todos os obstáculos impostos pola Xunta bipartita.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
