Cada día, con horario de xubilado (ou sexa, nunca antes das dez horas), encetamos a xornada en tertulia na que, arredor da taza do café, unha serie de persoas, entre outras cuestións, debaten temas de actualidade sobre os que é posible razoar (¡é un decir!). Trátase dun grupo heteroxéneo, non machista nen racista mais alá do “normal”, formado por xubilados/as, ou non, (dalgúns dise que nunca traballaron), pero que a maioría exercen ou fixérono en variadas ocupacións: funcionarios, empleados, comerciantes, artistas plásticos, etc. Algúns, amantes dos animais e da natureza; da arte, outros das viaxes; apenas hai melómanos, pero sí poetas e no deporte, que non practican, decláranse futboleiros, repartindo as súas paixóns entre o Madrid e o Barcelona, como se fosen os únicos equipos deste país. Mesturanza tal fai que en ocasións se produzan episodios singulares, e mesmo insólitos, que dan lugar a supostos pouco cribles e que, ás veces, causan estupor. Motivo de debate nos últimos días foi a xaula que, con algúns exemprares da fauna exótica, o concello de Foz instalou a carón da Casa do Mar, así como a polémica que se tran os gobernantes e unha parte, cando menos, da oposición. Para o rexidor é unha “aula de natureza”; a oposición trata de minimizala e chámalle “paxareira”. Os tertulianos trataron o tema comezando por definir unha e maila outra, concluindo que a “aula” é un equipamento, en ubicación axeitada, dotado de recursos materiais, didácticos e humanos, precisos para desenvolver programas de Educación Ambiental. Pola súa banda “paxareira” é o espazo que se habilita como habitat para estancia e reproducción en cautiverio de distintas especies que permitan facer un seguimento e que, ubicadas en gaiolas xigantes, ó aire libre, poden ser un agradable elemento decorativo, vivaz e colorista, no entorno urbán. Os tertulianos non dictaminaron sobre quen leva razón na controversia; só suxiren a visita ó lugar e á vista do que hai cada quen saque as súas conclusións, lembrando que non chamar ás cousas polo seu nome xenera desinformación ou, o que é peor, información engañosa, por falsa.
Suso Fernández
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
