Nota de prensa
O ano non podía comezar peor para as maltreitas economías dos fogares e das empresas despois de que Zapatero decidira esmagar aos contribuíntes con subidas dos bens de primeira necesidade como a luz e o gas -nun 10% e un 4% respectivamente-
O PP MOBILIZARÁ AOS CONCELLOS DA MARIÑA EN CONTRA DA SUBA DA LUZ
* Piden que os plenos municipais rexeiten esta medida unilateral adoptada polo Goberno socialista central e que proceda á conxelación deste recibo durante todo o ano 2011.
A Mariña, 11 de xaneiro de 2010.- O Partido Popular da Mariña mobilizarase en contra da subida da luz e rexistrará mocións municipais en todos os concellos da nosa comarca para que os seus respectivos Plenos rexeiten esta medida unilateral adoptada polo Goberno socialista central. Os populares, segundo explicou o seu secretario xeral provincial, Jose Manuel Balseiro, tamén reclamarán que Zapatero rectifique e ordene a conxelación deste recibo durante todo o ano 2011.
Segundo Balseiro o novo ano non podía comezar peor para as maltreitas economías dos fogares e das empresas da nosa comarca, todo iso, como consecuencia da nefasta política económica do presidente Zapatero que esmaga aos contribuíntes con subidas dos bens de primeira necesidade como a luz e o gas, nun 10% e un 4% respectivamente.
UN 40% MÁIS CARA DESDE 2006
O secretario xeral popular indicou que desde que goberna o Partido Socialista, a luz non parou de subir, así dende o ano 2006 o recibo da luz subiu mais dun 40%, mentres que cando gobernou o Partido Popular entre 1996 e 2004 o recibo da luz baixou un 14,2%, moi por riba da media da UE.
UN NOVO CASTIGO DO PSOE QUE SUMA E SEGUE
As veciñas e veciños da Mariña non se merecen este novo castigo do Goberno socialista central que se engade á baixada dos salarios, á conxelación das pensións, á subida de impostos, ao incremento do prezo da gasolina e do gasóleo e a supresión dos incentivos fiscais á compra de vivenda, do cheque bebé e da axuda de 426 euros ós desempregados de longa duración.
MÁIS DIFÍCIL QUE NUNCA
As erradas decisións dos socialistas fan esta costa da xaneiro máis longa e difícil que nunca e, polo tanto, é necesario que os distintos concellos asuman o seu papel de administración máis próxima ao cidadán e se sumen á reivindicación que esixe unha rectificación do Goberno de Zapatero.
PACTO ENERXÉTICO
Os populares da nosa comarca valoran esta subida como grave prexuízo á capacidade adquisitiva de fogares, autónomos, empresas e PEMES, e por iso consideramos que é necesario un gran pacto en política enerxética que aporte estabilidade a un dos factores de competitividade máis importantes para a nosa economía, como é a do custe da enerxía.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
