Nota de prensa
Wikipedia celebrará o seu décimo aniversario o próximo 15 de xaneiro de 2011
O 15 de xaneiro de 2011 cumplirase unha década da creación da Wikipedia. Fundada por Jimmy Wales en 2001, Wikipedia convirteuse no quinto sitio web máis popular no mundo con 410 millóns de lectores mensuais (comScore, novembro 2010). Un ano despois da súa fundación, Wikipedia alcanzou os 18.000 artigos en 12 idiomas. Tres anos despois, alcanzaba os 397.000 artigos en 52 idiomas. Agora, con 17 millóns de artigos en 270 idiomas e medrando, Wikipedia é o único sitio web dos dez primeiros do mundo que é realmente creado, soportado e mantido polos seus usuarios. Sobre os últimos dez anos centos de miles de persoas contribuiron con máis de mil millóns de edicións a este recurso vital.
Para conmemorar este feito histórico, persoas de todo o mundo están a reunirse en distintos eventos para festexar o aniversario da Wikipedia. Invitámoste a unirte ós nosos voluntarios en A Coruña, España, Bangalore, India, Skopje, Macedonia, Londres, Inglaterra, Nairobi, Kenya ou a calquera dos perto de 300 eventos previstos en todo o mundo:
http://ten.wikipedia.org/
Sobre Wikipedia e a Fundación Wikimedia
A Fundación Wikimedia é unha organización sin ánimo de lucro que mantén a Wikipedia, a enciclopedia libre. Con sede en San Francisco, California, a Fundación Wikimedia é unha organización sin ánimo de lucro e auditada que é financiada principalmente a través de donacións e subvencións.
http://ten.wikipedia.org/
http://ten.wikipedia.org/wiki/Wikipedia_timeline
http://wikimediafoundation.org/wiki/Press_room
Eventos previstos en Galicia para o día 15:
Dende a Galipedia, o proxecto irmán da Wikipedia, queremos festexar este aniversario chegando ás 5.000 edicións nese día. A media de edicións diarias da Galipedia é dunhas 1.100 co cal temos un gran reto para este día co cal invitamos a todos os interesados que participen con nós nos eventos ou pola súa conta nas súas casas. Temos dous eventos previstos en:
* Culleredo (A Coruña): Imos comezar a xornada cun pequeno taller de introducción á edición da Galipedia para introducir no proxecto a todos os que queran participar. Logo porémonos a traballar no reto facendo todas as edicións que queramos coa axuda de expertos galipedistas. Remataremos a xuntanza ás 12:15 cunha wikitarta de aniversario da Wikipedia para compartir con tódolos editores.
* Ribadeo (Lugo): Neste evento imos ter unha pequena charla sobre Wikipedia, logo, un pouco máis tarde, faremos unha introducción á edición da Galipedia e logo porémonos a traballar no reto para tentar superar as 5.000 edicións.
http://ten.wikipedia.org/wiki/A_Coruña
http://ten.wikipedia.org/wiki/Ribadeo
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Este ano, como novidade, as crianzas participantes neste programa están a desfrutar de sesións de inglés dunha forma lúdica, dinámica e divertida, grazas á colaboración da English School de San Cibrao. A través de xogos, cancións, actividades participativas e moita creatividade, os nenos e nenas reforzan a aprendizaxe do inglés nun ambiente distendido, fomentando a comunicación, a curiosidade e a confianza para expresarse noutra lingua.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
O Grupo Sargadelos adquiriu todos os bens inmobles, maquinaria e fondo de comercio de Burelarte S.L. As naves, de máis de 3.000 m² e os terreos anexos, con máis de 4.000 m², destinaranse a ampliar e mellorar a capacidade produtiva das empresas do grupo. Ademais, Sargadelos integrará a maior parte da plantilla de Burelarte e tentará manter viva a marca BurelaRTe, recoñecida pola súa calidade no gres porcelánico, sempre que a autoridade laboral o permita.
