Nota de prensa
ANTONIO VEIGA VISITOU AS OBRAS DE MELLORA DOS VESTIARIOS DO CAMPO DE FÚTBOL MARTÍNEZ OTERO DE FOZ
A Área de Deporte achega 24.000 euros para estas obras, que se realizan nun dos máis antigos da Mariña
FOZ, 24 de febreiro de 2011. O delegado de Deporte da Deputación, o nacionalista Antonio Veiga, visitou esta tarde as obras de mellora que se realizan no campo de fútbol Martínez Otero de Foz, acompañado de Xoán Carlos Basanta, voceiro do BNG do concello e do directivo do Foz, José Soto. A Área de Deportes da Deputación de Lugo financia con 24.000 euros estas obras, que teñen por obxectivo a mellora e acondicionamento dos vestiarios do campo focense.
O delegado manifestou a súa ledicia porque “un campo de fútbol como o Martínez Otero, un dos máis antigos da Mariña, vaia ver totalmente renovadas parte das súas instalacións e aproveiten así ao máximo as súas posibilidades”. Explicou que “os vestiarios serán renovados totalmente, acondicionados e modernizados, xa que os anteriores atopábanse nun estado lamentable debido ao uso que se lles ten dado ata agora”. Ademais, os baños para o público que se atopan no campo están acondicionándose en canto a accesibilidade, e serán aptos para o uso de minusválidos.
O delegado de Deporte afirmou que desde a Vicepresidencia Primeira da Deputación, e en concreto desde a Área de Deportes, “adquirimos un compromiso prioritario coa promoción do deporte de base en todas as comarcas de Lugo, sumándose esta mellora no Martínez Otero de Foz ás que realizamos co obxectivo de procurar unhas instalacións deportivas axeitadas, tanto aos clubs que máis disfrutan delas, como ao público en xeral”.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
Unha comedia orientada para público infantil escrita e dirixida por Bea Campos. Hora: 18h.
No marco do 8M, esta empresa de comunicación e publicidade decidiu celebrar a súa traxectoria reunindo a 18 mulleres diferentes para compartir as súas experiencias no ámbito persoal e profesional, co obxectivo de render un homenaxe á muller.
No acto, organizado coa colaboración da Vicepresidencia da Deputación e a área de Cultura do Concello, entregouse o Premio do Público ao filme Antes de Nós, de Ángeles Huerta, a obra máis votada pola cidadanía. A deputada de Cultura Iria Castro destacou que este encontro serve como adianto da gala e subliñou o orgullo de converter Lugo no epicentro do audiovisual galego durante estas semanas cheas de actividades arredor dos galardóns.
Cabe sinalar que o concello de Castro de Rei solicitou xa a súa adhesión ao novo convenio de xestión da biomasa nas faixas secundarias asinado entre a Consellería do Medio Rural e a empresa pública Seaga. Destacou así que a prevención é unha tarefa compartida por administracións e propietarios. Sinalou tamén as importantes novidades que presenta este convenio con respecto aos anteriores acordos, como é o incremento do orzamento, que ascende ata os 25 millóns de euros anuais.
A charla será impartida por Diego Fernández Méndez, colaborador da asociación, quen repasará a evolución do sector conserveiro e o seu impacto económico e social no municipio. A actividade inclúe un recoñecemento ás mulleres traballadoras de Conservas Albo, coincidindo coa conmemoración do 8M, cunha mención especial ás últimas empregadas que pecharon esta etapa histórica. A xornada rematará cunha degustación de produtos da marca.