Nota de prensa
A Deputación definirá en dous meses o novo modelo de coordinación turístico provincial
– O Presidente anuncia que en marzo se celebrarán as distintas mesas por sectores para que en abril se constitúa o novo instrumento destinado non só a promocionar Lugo, senón tamén a axudar ó sector privado a atopar novas vías de comercialización
– Gómez Besteiro, Vega Buján e José Rábade clausuraron o congreso de turismo “Destino Lugo”, no que, ademais de expertos de Europa e de España na materia, participaron máis de 500 persoas
O Presidente da Deputación, José Ramón Gómez Besteiro, a Vicepresidenta Terceira, María Xosé Vega Buján, e o Concelleiro de Protección da Comunidade de Lugo, clausuraron este xoves o 1º Congreso de Turismo “Destino Lugo”, que se celebrou dende onte no Salón de Actos do Pazo de San Marcos e no que prestixiosos representantes deste sector a nivel europeo e nacional analizaron a situación pola que atravesa o turismo lugués e as posibles alternativas para impulsar este sector, xa que Lugo é a provincia na que máis aumentou o número de visitantes en 2010. Neste senso, Gómez Besteiro anunciou que o organismo que preside comezará a desenvolver en marzo as distintas mesas por sectores que permitirán presentar en abril o novo modelo de coordinación do turismo provincial.
O máximo mandatario provincial subliñou que “todos sabemos que “xuntos aforramos máis”, polo que ter varios organismos facendo o mesmo dispara o gasto, confunde ó consumidor e duplica esforzos. Na actualidade o turismo de Lugo perde folgos entre organizacións sen ánimo de lucro, empresas privadas, padroados, oficinas municipais… Trátase de ir de abaixo para arriba e non o contrario porque temos que conseguir facer de Lugo un destino turístico”.
A aposta de futuro é crear un modelo dinámico e capaz de non só promocionar a provincia, senón tamén de vendela e de que se convirta nun instrumento que lle axude ó sector privado a atopar novas vías de comercialización, establecendo unha rede profesional. “Precisamente, segundo os datos publicados en días pasados sobre o paro, desvelábase que o turismo é un dos nichos de emprego desta provincia”.
Tradicionalmente as administracións adoptaron decisións de costas ó sector, vendendo destinos turísticos que non tiñan despois servizos ou paquetes correspondentes para os visitantes. “O que hoxe demandan os turistas non é coñecer unha capela ou unha praza, senón que lles ofrezamos a posibilidade de vivir unha experiencia, conseguindo que o gasto que fagan os visitantes sexa rendible para Lugo”.
Ademais, a través da Área de Turismo, este ano elaborarase unha guía que aglutinará as experiencias turísticas da provincia. Trátase da primeira iniciativa que se realiza en Lugo destas características e inclúese dentro do Plan Director de Turismo 2008-2011 impulsado pola Deputación para crear un sector coordinado e profesional, partindo da formación, sensibilización e unidade da sociedade, ó tempo que se configura como un instrumento que lles permite ós Concellos mellorar a súa oferta turística, tanto na concepción estratéxica do sector como no deseño de políticas de promoción e comercialización.
Desenvolvemento do encontro
Durante estes dous días prestixiosos representantes deste sector a nivel europeo e nacional analizaron a situación pola que atravesa o turismo lugués. Na sesión de hoxe participaron os representantes deste sector de varias cidades españolas con ampla experiencia no tema como: Valladolid, Segovia, Palma de Mallorca e Barcelona. Na sesión de onte expuxéronse as distintas experiencias de países tan punteiros en promoción turística como Inglaterra ou Finlandia, a través das ponencias dos directores de Desenvolvemento Turístico de Gran Bretaña, James Turner, e do Director da empresa encargada da organización de vendas do suroeste de Finlandia, Anne Marget Niemi de Turku. A segunda parte, consistiu nun debate no que profesionais e administracións implicadas no sector analizaron as distintas alternativas de coordinación para a promoción da provincia como destino turístico. No foro participaron a Vicepresidenta Terceira, María Xosé Vega Buján; os Presidentes do Padroado Provincial de Turismo e da Asociación Provincial de Empresarios de Hostalería de Lugo, Julio Álvarez e José María Real, respectivamente; a Presidenta da Asociación de Turismo Rural de Lugo Sur, Carmen Martínez; e o seu homólogo na Mariña, Manuel Vicente.
En total, ademais dos ponentes, participaron representantes do sector turístico público e privado de Lugo, ademais de Alcaldes e Concelleiros, representantes do sector da hostalería, casas de turismo rural, oficinas de turismo, restauración, fundacións comarcais ou empresas especializadas nesta materia.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
“A nosa provincia será un dos mellores lugares do mundo para ver este fenómeno e estamos a traballar para estar á altura”, valorou a mandataria provincial.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
O Deputado de Promoción Económica e Social, xunto ao Alcalde meirego e o músico berciano, presentaron no Pazo de San Marcos este concerto especial que acollerá a igrexa Monasterial de Santa María, o vindeiro 6 de agosto, ás 21:00 horas.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
