Nota de prensa
De acceso universal e grautíto calquera persoa que dispoña de internet pode consultar as fotografías que ofrecen anacos da nosa historia e das nosas xentes
A REDE SOCIAL FACEBOOK ACOLLE A FOTOTECA DO CONCELLO DE CERVO
• A presenza na rede social permite interactuar aos visitantes da páxina, xa ben sexa aportando novas imaxes ou colaborando na descrición e catalogacións das fotografías existentes.
• A concelleira de Cultura Chelo Gallego anima a veciños e curiosos a visitar a fototeca.
Cervo, 03 de marzo de 2009.- A rede social Facebook acolle nunha das súas páxinas de acceso libre e gratuíto a Fototeca do Concello de Cervo cuxo principal obxectivo é a conservación e difusión das imaxes que mostran “anacos gráficos da nosa historia e a das nosas xentes, veciñas e veciños deste termo municipal”. Así o explicou a edila de Cultura, Chelo Gallego quen salientou o cada vez maior interese na consulta e conservación das fotografías como testemuñas da actualidade e do pasado, e a oportunidade que este Fototeca ofrece precisamente para a súa consulta, recollida e dixitalización.
“Os cada vez maiores medios tecnolóxicos ao noso alcance: computadores, televisións, pantallas, internet, …. fan da fotografía un novo recurso nada desprezable para formar parte das coleccións das bibliotecas e centros de documentación, pero tamén ofrecen espazos de consulta inmediata, como as redes sociais, nos que todos poden participar desde nosa casa, xa sexa visionando as imáxes ou achegando novas fotografías”-indicou Chelo Gallego
Moitas das fotografías incluídas son froito da campaña de elaboración dun arquivo gráfico posto en marcha anos atrás desde as delegacións de Cultura, Asuntos Sociais e Educación, e moitas tamén formaron parte das imaxes seleccionadas para o calendario que o Concello de Cervo reparte cada ano entre os seus veciños.
CONSERVACIÓN
A conservación é un dos obxectivos principais de calquera fondo fotográfico. O bo estado de conservación dunha fotografía virá determinado polo seu procedemento de elaboración (soporte, procesado técnico, …), pola súa historia ata chegar a nós, e polas condicións de almacenamento e difusión que esteamos utilizando na actualidade. Ata agora, era moi común obter segundos orixinais da fotografía para facilitar a súa difusión e garantir a correcta conservación do orixinal, pero actualmente contamos co recurso da dixitalización informática.
A dixitalización de imaxes, grazas precisamente ao seu tratamento informático e a subida a espazos webs, persegue dous obxectivos fundamentais: asegurar a conservación daqueles fondos fotográficos, que as súas peculiaridades de orixinalidade, carácter histórico, … esixe, e facilitar a difusión destes fondos fotográficos dun xeito áxil e sinxela.
INTERACCIÓN E DOCUMENTACIÓN
A Fototeca do Concello de Cervo en Facebook permite tamén un máis acaído proceso de catalogación da fotografía, acadando unha interacción cos veciños, usuarios e visitantes da web que desde o mesmo momento no que acceden á páxina son parte colaboradora esencial na súa descrición física e na análise do seu contido.
Precisamente o Concello de Cervo é un dos entes públicos locais que maior uso e aproveitamento está a facer das novas tecnoloxías web mostra do cal están os diversos perfís que este municipio ten nas principais redes sociais (Facebook, Tuenti, Tuenti, Twitter, e de espazos de imaxe e vídeo como o flickr, picasaweb ou Youtube)
Para acceder de xeito gratuíto e universal a Fototeca do Concello de Cervo na rede social Facebook tan só é necesario clikar nela na barra de busca ou visitar o seguinte enlace:
http://www.facebook.com/pages/Fototeca-Concello-De-Cervo/113779428686881?v=wall
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
