Nota de prensa:
A CIG ENSINO CRITICA A SUPRESIÓN POR PARTE DA XUNTA DO CICLO SUPERIOR DE COCIÑA NO IES DE FOZ
Segundo a CIG, esto supón un novo ataque ao ensino público na Mariña
Ribadeo, 13 de xuño de 2011.- A CIG-Ensino denuncia os recortes que a Consellaría de Educación da Xunta de Galiza pretende aplicar para o curso 2011-12 nos ciclos formativos de Formación Profesional no IES de Foz e que supón a desaparición do Ciclo Superior de Restauración de Cociña. Este recorte súmase aos feitos xa o ano pasado neste e noutros centros da Mariña, cando eliminou tamén neste centro o Ciclo Superior de Aplicacións Informáticas e a modalidade presencial no ensino de Adultos. Estes novos recortes van a traer como consecuencia que moitos alumnos non teñan a posibilidade de matricularse nos estudos que querían facer, así como a supresión de máis prazas de profesorado.
En primeiro lugar, A CIG ten que manifestar a súa rotunda reprobación ás formas autoritarias nas que se tomou esta decisión sen previa información e consulta cos centros de ensino afectados e á marxe da Mesa Sectorial e da representación sindical do profesorado.
A supresión deste ciclo supón que o IES de Foz sexa o único da Comarca que queda sen ningún ciclo superior de formación profesional así como ser o único centro de Galiza onde se imparten os estudos de cociña que queda sen ciclo superior. A maiores a decisión da Consellaría é inxustificable dado que non existe ningún argumento obxectivo para eliminar este ciclo posto que o ano pasado eran trece os alumnos/as matriculados cando o mínimo esixible é de oito alumnos. Ademais o informe da inspección educativa era favorable para que se mantivera o ciclo.
O IES de Foz é un referente en toda Galiza na formación no ámbito da hostalería. Por este motivo aínda é máis sorprendente que por unha decisión unilateral e inxustificada deixe de impartir ditos estudos cando ademais supón a saída profesional para moitos xoves nun momento de dificultade para atopar emprego sen a suficiente cualificación.
Para a CIG-Ensino esta decisión, xunto a outras no mesmo sentido que a Consellaría está a tomar como a eliminación do centro de formación do profesorado (Cefore) ou da eliminación do ensino de adultos, supón un agravio comparativo entre ámbito rural e o urbano e unha centralización da oferta educativa que imposibilitará de feito que moitos alumnos/as da Mariña poidan cursar os estudos que desexan ou ter que desprazarse a máis de cen quilómetros para poder cursalos.
Por todas estas consideracións, a CIG-Ensino esixe da Consellaría que se manteña o Ciclo Superior de Restauración no IES de Foz polo menos ata saber se realmente existe suficiente alumnado unha vez que se abra a matrícula e que se convoque urxentemente a Mesa Sectorial para consensuar toda a oferta educativa do curso vindeiro.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
