SERGIO DE BURELA
Coñecimos a evolución da súa doenza dende que se detectaron os primeiros síntomas, e sabíamos da extrema gravidade actual na UCI, nunha situación diagnosticada como ierreversible. De tódolos xeitos, cando recibimos a nova do seu pasamento, sentimos a friaxe da tristura que produce sempre a perda dun amigo entrañable: tal foi a nosa relación, perante mais de medio século.
Admiramos nél a bonomía, o carácter endexamais anoxado, a vontade de traballo, o entusiasmo co labor profesional. Dinámico, emprendedor, sempre activo e compracente. Autodidacta, de non coñecer a “máquina de retratar”, o termo da època (anos 50), con dedicación e esforzo, chegou a auténtico “mestre” da fotografía e, para nós, a ser o gran profesional da Mariña, de tódolos tempos. Él foi o mellor pregoeiro dos nosos pobos: da sua vida social, económica, industrial, turística, lúdica, paisaxística, mariñeira; dos seus gozos e das súas dores, de xeito especial do pobo de adopción. Se damos por bó que “unha imaxe val por mil palabras” os 120 volumes do Espasa non serían abondo para acoller as “verbas” que sobre a nosa bisbarra levan saído das súas cámaras – fotográficas, de vídeo e TV – espalladas a través dos distintos medios e proxectadas nos mais diversos lugares e ocasións.
O libro “Lugo, unha provincia”, que deixa para a posteridade, é o mellor testemuño da categoría profesional que Sergio alcanzou, e tamén da súa sensibilidade artística, do sentido da estética, da beleza.
Dende hai tempo vimos botando en falta o recoñecemento público a quen, dende a súa profesión, tanto fixo – mais que ninguén – pola difusión da Mariña, a gran descoñecida, e dos seus valores humanos, naturais e económicos. E somos testemuña de excepción de que, en moitas ocasións, tanta dedicación e esforzo, non tiveron siquera a compensación económica mínima que correspondería a un profesional coma él, que foi na vangarda da tecnoloxía, e na oferta de productos novidosos: as súas fotos xigantes, pioneiras, penduraron en boa parte dos locais públicos con escenas, sobre todo, do mar de Burela ou das “rapa das bestas”… A flota pesqueira foi obxeto de reportaxes na TV, para o que, reporteiro intrépido, á búsqueda das imaxes, mais auténticas e solprendentes, embarcouse en mais dunha ocasón; él que nacera pola serra de Barreiros, repetidamente pagou o tributo de sucesivos mareos… o príncipe azul; as celebracións do Carme e, en fin, canta actividade económica, e de todo tipo, que se desenvolveo ó longo dos tempos en Burela: mesmo as traxedias do seu mar…
Istas notas sinxelas, escritas a voapluma, baixo o efecto da dorida emoción, sirvan, por hoxe, de homenaxe mínima a quen foi para este cronista un prestixioso e admirado artista e, sobre todo, un amigo inesquecible, Sergio de Burela, de quen nos queda a doce lembranza de tantas horas, ilusións e iniciativas compartidas…
Suso Fernández
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
