Nota de prensa
– A maiores, ducias de pequenas embarcacións quixeron sumarse ó evento turístico deportivo para reivindicar a mellora das instalacións portuarias, a Costa lucense e o recoñecemento oficial do Camiño do Mar
– Gómez Besteiro foi o encargado de dirixir o veleiro “Veranea en Lugo” que luciu a bandeira da Deputación e a vela de cor azul
– O Presidente avanzou que o vindeiro ano celebrarase a 3º Peregrinación para a que cómpre mellorar as instalacións portuarias co fin de convidar ós navíos de Cantabria, País Vasco e Francia que xa amosaron o seu interese
14 veleiros chegados dende Ribadeo, Viveiro, Foz, Avilés e Xixón participaron este sábado na II Peregrinación Marítima de Cruceiros pola Costa de Lugo organizada por Deputación e Club Náutico de Foz. Xunto a eles, ducias de pequenas embarcacións se concentraron na Ría de Foz para presenciar o evento turístico-deportivo. Todos eles quixeron sumarse ás reivindicación da institución provincial, compartidas polo club focense, para mellorar as instalacións portuarias, impulsar ó exterior o mar lucense e recoñecer oficialmente o Camiño do Mar como ruta xacobea.
Deste xeito, alí estiveron os promotores desta iniciativa: o Presidente da institución, José Ramón Gómez Besteiro, o do Club Náutico de Foz, Francisco Fernández Rego, así como o Deputado focense, José Ramón Val Alonso. Gómez Besteiro foi o encargado de levar o timón do veleiro focense “Veranea en Lugo”, que luciu a bandeira da Deputación e a vela de cor azul.
A regata comezou ás 17:00 horas, unha vez que as embarcacións chegaron ás inmediacións da praia da Rapadoira. Para elo, parte dos navíos, os procedentes da zona leste, partiron ás 10:30 horas dende o porto de Viveiro, pasando por San Cibrao, a praia de Arealonga e Punta Fazouro, ata chegar ó lugar de concentración na Ría de Foz. Os restantes navíos saíron ás 13:30 horas do porto de Ribadeo e transcorreron pola Illa Pancha para entrar finalmente no campo de regatas.
O evento turístico-deportivo remataba ás 19:30 horas, logo de 2 horas nas que as embarcacións transcorreron polo Golfo do Masma pasando polas boias sinaladas. Finalmente, ás 20:30 horas, todos os participantes foron agasallados por diversos obsequios institucionais. Ademais, os primeiros tres clasificados recibiron trofeos conmemorativos da man de Gómez Besteiro e o Alcalde de Foz, Javier Castiñeira.
3º Peregrinación
Visto a boa acollida desta iniciativa, o titular provincial avanzou que o vindeiro ano a Deputación voltará a sumar esforzos co Club Náutico de Foz para celebrar unha nova edición. Neste senso, incidiu na necesidade de mellorar as instalacións portuarias co obxectivo de incrementar o número de participantes. A este respecto, o Presidente do Club Náutico fixo fincapé no feito de que este ano a participación estivo limita a 20 veleiros. Ambos os dous salientaron que a intención para a convocatoria de 2012 é convidar ós navíos de País Vasco, Cantabria e Francia a sumarse á 3º Peregrinación Marítima pola Costa de Lugo xa que estes xa amosaron o seu interese pola iniciativa este mesmo anos.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
