Nota de Prensa
Besteiro e Roel supervisan a transformación de Celeiro dotada de 3 millóns de euros
– Como nova mostra deste cambio, Presidente e Alcalde avanzaron a apertura para outono do campo de fútbol e béisbol situado nunha zona onde anteriormente só existía varredura
– Xunto a esta instalación deportiva, o parque de bombeiros, a creación de servizos básicos, zonas verdes ou espazos de recreo completan a transformación de Celeiro
– Besteiro insta á Xunta a construír “infraestruturas do século XXI e non unha VAC” co fin de evitar que “as comunicacións dividan á Mariña nunha Comarca de dúas velocidades”
O Presidente da Deputación, José Ramón Gómez Besteiro, e o Alcalde de Viveiro, Melchor Roel, deron conta este mércores da suma de esforzos da institución provincial e o Concello para a transformación de Celeiro. Besteiro e Roel salientaron que o traballo conxunto entre ambas as dúas administracións en dito núcleo urbano viveirense “que hai 8 anos era unha escombreira” supuxo a creación de novos servizos por un valor total de 3 millóns de euros. É por elo, que o Alcalde agradeceu o compromiso do Presidente co Concello mariñano e incidiu en que “Besteiro non vén hoxe a Viveiro porque sempre estivo aquí. Deberíamos nombralo fillo predilecto”.
Os traballos impulsados por Deputación e Concello de Viveiro en Celeiro mediante distintos plans son os seguintes: acondicionamento e dotación do local de ensaio (48.000 euros); mellora do parque infantil (24.000 euros); urbanización e rexeneración da rúa Grande (250.000 euros); melloras no cemiterio (30.000 euros); pavimentación e servizos no camiño de acceso a Atalaia-Celeiro (61.180 euros); rexeneración do contorno do parque infantil de Lavandeiras (59.000 euros); saneamento da cuberta e dotación de vestiarios no pavillón deportivo (128.000 euros); reforzo do alumeado público (59.000 euros); mellora da Casa do Forno (210.000 euros); acondicionamento da área deportiva e recreativa en Lavandeiras (60.000 euros); renovación do alumeado público co obxectivo de reducir o consumo eléctrico (60.000 euros); adecuación e mellora do abastecemento de auga a domicilios na rúa Atalaia (60.000 euros); construción dunha nova instalación deportiva (256.000 euros); e posta en marcha do parque de bombeiros mediante o Consorcio provincial (1,7 millóns de euros).
Campo de fútbol-béisbol
Como nova mostra deste cambio, Besteiro e Roel avanzaron que en outono abrirá as súas portas a instalación deportiva que, a petición do Alcalde, está a ultimar o organismo provincial en Lavandeiras, nunha zona onde anteriormente só existía varredura e escombreiras. Trátase do campo de fútbol e béisbol impulsado por Roel, quen quixo que esta pista deportiva incorporase a posibilidade de practicar béisbol en resposta ás demandas dos veciños. Foi o equipo “Dominicanos de Viveiro” quen principalmente expuxo esta petición na “Casa do Emigrante” que a institución provincial levou a Viveiro xa en 2009 co fin de favorecer a integración deste colectivo, así como atender ós galegos residentes no exterior.
O Presidente e o Alcalde, acompañado polo Deputados mariñano, Lara Méndez e José Ramón Val Alonso, supervisaron dita instalación deportiva acometida en dúas partes:
– A 1º fíxose dentro do convenio entre Deputación, Concello e Xunta, impulsado por Besteiro e Roel, co obxectivo de dotar de infraestructuras urbanas e mellorar os equipamentos existentes de Viveiro. Presidente e Alcalde acordaron que unha das 7 actuacións deste acordo fose a creación do campo de fútbol por valor de 200.000 euros.
Tal e como establece dito convenio, o municipio fíxose cargo do proxecto, o organismo provincial da execución das obras e o Goberno galego do seu financiamento, contando para elo, con dúas anualidades e un prazo máximo ata o 30 de novembro para cada ano. Logo de que o Concello levase a cabo coa máxima axilidade a redacción desta iniciativa, a institución provincial acometeu as tarefas de acondicionamento, saneamento e drenaxe da parcela.
– A 2º e última fase enmárcase dentro do Plan Extraordinario de Obra Pública. Besteiro e Roel acordaron en decembro que 1 das 23 actuacións do convenio de 1 millón de euros para Viveiro do mencionado plan, fose a dotación de herba natural e de equipamento deportivo (porterías, marcadores, bancadas..) para o campo de fútbol ó que incorporaron ademais, a posibilidade de practicar béisbol. A Deputación está agora a ultimar estas actuacións dotadas de 56.000 euros e financiadas ó 100% pola institución provincial.
A este respecto, o Rexedor avanzou que o vindeiro martes se procederá a instalación do alumeado e mobiliario. Ademais subliñou que as gradas e o palco que estaban afincadas na praza maior, empregados por exemplo para o Festival de Landro, pasarán a formar parte do campo de fútbol e béisbol “como medida de austeridade” .
Autovía e non VAC
O Presidente da Deputación aproveitou a visita a Mariña para trasladar a necesidade de vertebrar a Comarca única e exclusivamente con autovías. Besteiro instou a Xunta a facer da Vía de Alta Capacidade (VAC) unha autovía tal e como está a facer o Executivo central co Transcantábrica co fin de “evitar que as comunicacións dividan á Mariña nunha comarca de dúas velocidades” O titular provincial destacou que “con independencias dos prazos, o importante é non renunciar a este concepto que debemos defender todas as administracións para comunicar o litoral lucense con infraestruturas do século XXI. O corredor de San Cibrao non deixa de ser unha estrada normal e, no caso da Mariña, será un embudo. Viveiro volta a perder outra oportunidade”.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
