Nota de prensa
INFORMACIÓN AOS MEDIOS
O CONCELLO FAI UN CHAMAMENTO PARA O BO USO DOS BENS PÚBLICOS NAS XORNADAS FESTIVAS DOS VINDEIROS DÍAS
o Responsables municipais poñen en marcha un dispositivo co obxecto de mellorar a seguridade e as condutas cívicas dos participantes nas citas festivas do Ovo Frito, Maruxaina, Patronais de Cervo e Queimada Popular
Cervo, 10 de agosto de 2011
.- O alcalde de Cervo, Alfonso Villares, e os concelleiros José Ramón Soto (Protección Civíl e Seguridade Cidadá), Tania González (Cultura) e Begoña Alonso (Medio Ambiente), deron a coñecer esta mañá os detalles dos distintos operativos que vai poñer en marcha o Concello nas vindeiras celebracións do Ovo Frito (Cervo), Maruxaina (San Ciprián), Patronais de Cervo e Queimada (Cervo) para garantir o bo desenvolvemento das devanditas festas.
Segundo lembrou o rexedor local, a plantilla de traballadores municipais leva dende hai semanas traballando arreo cos organizadores das distintas actividades lúdico-festivas que se desenvolven no concello neste mes de agosto. “Levamos uns días sen apenas descanso. Comezamos coa celebración da Festa do Turísta de San Ciprián; despois as noites de teatro de Cervo; logo a Festa da Malla en Rúa; e agora estamos a coordinarnos coas comisións de festas para afrontar unhas citas importantes coma son a sexta edición da Festa do Ovo Frito que se celebrará o vindeiro venres en Cervo; A Maruxaina e as festas patronais de Cervo, ademais da Queimada Popular. Son eventos que congregan a moita xente e que necesitan dun dispositivo de seguridade e limpeza especial para poder garantir o bo desenvolvemento destas celebracións” recalcou Villares.
SEGURIDADE E LIMPEZA REFORZADAS
Pola súa banda, José Ramón Soto coincidiu na necesidade de incidir no reforzo da seguridade das persoas para que estas festas transcorran con normalidade. Neste sentido adiantou que ao longo dos vindeiros días “e mentres se celebren todos estes festexos” porase en marcha un dispositivo de seguridade no que estarán coordinados Policía Local, Garda Civil, Protección Civil, Policía Autonómica e Bombeiros do consorcio “co único obxectivo de velar pola seguridade en todos estes eventos que anualmente congregan a moita xente” sinalou.
CORTE DE TRÁFICO DURANTE A MARUXAINA
O responsable de Seguridade Cidadá local tamén anunciou que durante a celebración da festa da Maruxaina (o vindeiro sábado) o concello procederá a cortar o tráfico na Avenida da Mariña e tamén prohibirá o estacionamento de vehículos neste vial. A este respecto Soto pediu a comprensión dos veciños e visitantes e rogou a máxima colaboración dos cidadáns “para garantir o bo desenvolvemento desta festividade declarada de interese turístico”.
No que atinxe á limpeza urbana, Begoña Alonso sinalou que o Concello ten establecido unha serie de medidas, xa habituais, como son a colocación dun considerable número de colectores distribuídos por diversos puntos das festas e varios traballadores da brigada de limpeza municipal teñen previsto desenvolver as súas tarefas dende primeiras horas da mañá do día seguinte a cada unha destas celebracións para recuperar o aspecto das rúas no menor tempo posible.
COLABORACIÓN E RECOMENDACIÓNS
A responsable de Medio Ambiente cervense pediu a colaboración de tódalas persoas que van a estar de festa e convivindo nestas xornadas nas distintas celebracións esixindo o máximo respecto e coidado con todo o material e mobiliario urbano, tanto público coma privado. “En definitiva, que sean unas fiestas cívicas y agradables, en las que no se produzcan ningún tipo de desperfectos”.
Entre as recomendacións dadas polos responsables municipais figura que non se sirvan bebidas en vasos ou botellas de cristal para evitar cortes e outros danos en persoas e vehículos; que se faga uso dos colectores de lixo instalados para estas celebracións evitando depositar os residuos na rúa ou noutros espazos non habilitados ao efecto; que se utilicen os baños públicos e que se respecte en todo o momento o mobiliario urbano, vehículos, vivendas e outros espazos públicos ou privados.
Tamén se solicita aos condutores que respecten a sinalización e as indicacións dos axentes da Policía Municipal, Garda Civil e Urxencias; que non estacionen en zonas valadas ou de acceso restrinxido para evitar atascos; e que procuren evitar acceder con vehículo aos lugares das celebracións e opten por utilizar as zonas de aparcamento habilitadas.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
