Nota de prensa:
A Deputación recupera en Riotorto a igrexa de San Pedro, datada do século XVII e sen actividade dende hai 60 anos
– Presidente e Alcalde en funcións supervisaron as obras de 33.000 euros que permitirán incorporar de novo parte da actividade relixiosa do municipio ó templo Barroco, descentralizándoa da Igrexa Parroquial de 1956 que a substituíu debido ó seu mal estado
– Organismo provincial, Concello e Goberno Central garanten a calidade da auga no río Eo coa mellora realizada no equipamento da depuradora municipal dentro do POS deste ano
– A institución acondiciona o lavadoiro e a fonte de Teixeiro, ademais dun camiño municipal en Vilaseca que estaba en terra malia ser o principal acceso ás vivendas duns 50 veciños, executando traballos dotados de 23.000 euros
O Presidente da Deputación, José Ramón Gómez Besteiro, e o Alcalde en funcións de Riotorto, José García Freije, supervisaron este xoves varias obras que vén de finalizar a institución provincial en dito Concello por un valor total de 116.000 euros, e que se inclúen dentro de diferentes plans provinciais cos que a Deputación intensifica a cooperación cos municipios, dotando de servizos básicos e necesarios ós cidadáns.
Besteiro e García acudiron en primeiro lugar, á antiga igrexa de San Pedro, datada do século XVII, de estilo Barroco, que ata hai 65 anos concentraba toda a actividade relixiosa da localidade de Riotorto. O templo comezou a ser reformado a principios do século XX, incorporando elementos do Neogótico, pero as obras tiveron que suspenderse por falta de orzamento. Isto supuxo o deterioro progresivo do monumento e o traslado das celebracións relixiosas á Igrexa Parroquial, inaugurada en 1956 e que se sitúa no núcleo urbano e á que se incorporaron uns dos elementos máis interesantes da antiga igrexa como o Cristo (situado na parte central e datado de XVIII), a imaxe de San Pedro (de moi boa tala e de XVII) e a parándola (de XIX, procedente da Casa Ducal de San Sadurniño).
O titular provincial salientou que “levaba 65 anos pechada malia ser do século XVII e a pesares de que moitos veciños a levan no seu corazón porque durante décadas foi a única igrexa da zona. Por iso, nos últimos anos, coa axuda dos veciños, logramos que deixase de ser unha ruína para convertela nun templo con futuro onde xa se poden celebrar cerimonias”. E é que tendo en conta a riqueza patrimonial do monumento pechado, do que destaca unha torre-campanario de 1762 á que se accede por unhas escaleiras en forma de caracol, os veciños solicitaron á Deputación o seu arranxo. A institución respostou a dita petición incorporando estas obras no Plan de Comunidades Veciñais. Debido á súa complexidade, os traballos executáronse en varias fases e anualidades do mencionado Plan. O seu valor total ascendeu a 33.000 euros, dos que 22.000 euros foron financiados polo organismo provincial.
As actuacións, que veñen de ser rematadas, consistiron na mellora da cuberta, lousado, acondicionamento da sacristía, reposición de fiestras, instalación de subministro eléctrico e arranxo do acceso ó cemiterio. Isto permitirá, tal e como demandan os cidadáns, que a Igrexa de San Pedro recupere parte da súa actividade relixiosa. Precisamente, o párroco xa ten previsto descentralizala da Igrexa Parroquial para incorporar algunha celebración ó antigo templo como anteriormente.
Mellora da depuradora co POS
O Presidente tamén aproveitou a visita a Riotorto para coñecer as actuacións levadas a cabo na depuradora municipal, situada en Ponte de Ferreira, no lugar do Tombo, e cuxo equipamento vén de ser mellorado mediante o Plan de Obras e Servizos (POS) de 2011, que está co-financiado nun 50% polo Ministerio de Administracións Públicas, nun 25% pola Deputación e noutro 25% polos Concellos. Neste caso, os traballos executados contaron cun orzamento de 60.000 euros que se adicou principalmente á substitución e á ampliación da maquinaria que se atopaba obsoleta. É unha obra proposta polo Goberno municipal e executada pola institución provincial coa que se logra poñer fin ós problemas dos verquidos da auga xa que, segundo un informe da Confederación Hidrográfica do Cantábrico, a súa calidade non era suficiente, afectando tanto ás zonas do río Eo como á de baño na Pontenova, esta última máis coñecida como Poza da Ola.
Máis investimentos en Riotorto
Besteiro e García supervisaron, ademais, outras dúas obras enmarcadas no Plan de Comunidades Veciñais 2011 que están a piques de finalizarse. Trátase do acondicionamento do lavadoiro e da fonte, así como do seu acceso, en Teixeiro. Son uns traballos demandados polos 40 veciños deste núcleo rural, dotados de 7.000 euros, e financiados nun 75% pola institución provincial. A maiores, a Deputación tamén está a ultimar o acondicionamento dun camiño municipal en Vilaseca que dá acceso ás vivendas duns 50 cidadáns. Neste caso, a aportación do organismo provincial, que ascendeu a 16.000 euros, foi decisiva para mellorar notablemente a calidade desta vía, xa que pasou de estar en terra a dispoñer dun firme con aglomerado en quente, o que garante a durabilidade da mesma, así como a seguridade dos seus usuarios.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
