Nota de prensa:
O BNG DE BARREIROS ACUSA AO PARTIDO POPULAR DE CINISMO E HIPOCRESÍA TRAS TER APOIADO O MANTEMENTO DA AMBULANCIA ASISTENCIAL NO PLENO DE BARREIROS MENTRAS VOTABAN EN CONTRA NO PARLAMENTO GALEGO.
Barreiros, 29 de setembro de 2011. O BNG de Barreiros acusa ao PP de cinismo e hipocresía despois de ter apoiado o mantemento da ambulancia asistencial no pleno barreirense mentras votaban en contra no parlamento galego. Para os nacionalistas “o PP está a xogar coa saúde da xente e ríndose dos veciños usando un duplo discurso neste tema”.
O BNG amosouse moi crítico coa actitude do Partido Popular a respecto do mantemento do servizo da ambulancia asistencial na Mariña. “Mentras no pleno do luns en Barreiros as concelleiras e concelleiros do Partido Popular apoiaban a moción presentada polo BNG para que se manteñan os servizos nocturnos da ambulancia asistencial na Mariña, os deputados no Parlamento de Galiza votaban en contra dunha proposta do grupo nacionalista para restaurar estes servizos”, explican desde o BNG.
Os nacionalistas consideran que “unha vez máis, o Partido Popular está xogando coa xente. Novamente mantén un dobre discurso adaptándoo aos seus intereses partidarios, intentando confundir ás veciñas e veciños, mentres se encargan de recortar servizos básicos (como é o caso) ademais de estar a xogar coa saúde de todas e todos para garantir os dereitos das concesionarias”.
O BNG considera que “o que ten que facer agora o Alcalde de Barreiros é cumprir o acordo do pleno e dirixirse á Xunta para esixirlle o mantemento deste servizo. Veremos agora se é certo aquelo que decía hai unhas semanas a respecto de que que fora o PP o que gobernara non ía impedir que reivindicase o que tiña que reivindicar. Agora é o momento de que demostre con quen ten o compromiso o Alcalde de Barreiros: coas veciñas e os veciños ou co seu partido”.
O gasto de persoal está claro nos orzamentos
Os nacionalistas queren tamén insistir en que os datos contidos nos orzamentos do 2011 presentados o luns son claros a respecto dos gastos de persoal. “Sobre un orzamento de 3.397.458,78 euros; 2.132.559,77 euros son para persoal. Cunha simple regra de tres sae o 62,77%. O que fai o Alcalde para falar do 41% é dicir que parte dese persoal é subvencionado. Se non contempla ese gasto, porque son cartos que veñen doutras institucións, entón que tampouco contemple este diñeiro no apartado de ingresos, xa que se non, está falseando os datos para intentar xustificar a súa nefasta xestión”. Desde o BNG engaden que “contempla eses cartos en ingresos para o Concello e despois non quere que se consideren gastos do mesmo. É un xeito de darlle voltas ao asunto para buscar unha xustificación imposible ao elevadísimo gasto de persoal, derivado da política levada a cabo desde a institución municipal”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
