Nota de prensa:
A pasada fin de semana tiña lugar no porto de Burela o III Aberto do Bonito, organizado polo Colectivo Cultural Buril. Esta é a terceira edición deste aberto, que ano a ano se vai consolidando como un referente da práctica de dous dos deportes tradicionais máis destacados do País, a billarda e os bolos celtas.
O sábado arrincaba a Liga Nacional de Billarda, sendo este Aberto do Bonito, a primeira proba puntuable do campionato. En canto á clasificación desta primeira xornada estes son os resultados:
INDIVIDUAL: Guille 10 puntos /Martiño 10 id./Juan, Markytos e Xose Rodiño 9 puntos
EQUIPOS: Os Outros 31 puntos/Billardeiros Musicais 30 id./Bateas 29 id.
VARADOS: Guille 2 varados/Juan 1 id./Muriego 1 id.
Xa no domingo, tiña lugar un torneo de bolos das modalidades “punxeiro” e “xove”. De mañá houbo un torneo infantil de bolos, no que todos e todas as participantes levaron como agasallo un trofeo ademáis dun set composto por bolos e bola, para que podan seguir practicando este deporte. Pola tarde celebrouse un torneo de bolos para xente adulta no que tamén todas as persoas participantes recibiron un trofeo. Ademais o primeiro clasificado levou como premio un bonito do norte. En canto á clasifcación, estes son os resultados:
FEMININO: 1º posto para Dolores; 2º posto para Salomé e 3º posto para Carme.
MASCULINO MODALIDADE “XOVE”: 1º Rancaño; 2º Moisés; 3º Toño. Todos eles de Riotorto
MASCULINO MODALIDADE “PUNXEIRO”: 1º Moisés; 2º Rafa; 2º Ginés. Todos eles de Xove.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
