Nota de prensa
O PP de Burela, satisfeito cos primeiros cen días de goberno.
Os populares afirman que se retomaron asuntos que estaban absolutamente paralizados.
Consideran “unha pataleta de nenos cabreados” as críticas socialistas.
Burela, 24 de setembro de 2011.- O PP de Burela emitiu hoxe unha nota de prensa para facer unha valoración dos primeiros cen días de goberno do equipo que lidera José María González Barcia, sendo a valoración que fan de “mui satisfactoria”. “O equipo de goberno está a funcionar de forma axeitada e recoñecemos a adicación que están a ter todos e cada un dos sete integrantes do mesmo”.
Para os populares, “está claro que os cidadáns perciben máis axilidade á hora de resolver os problemas do día a día: atención a desbroces e limpeza de camiños, actuacións en rúas e aceras, etc., como o demostra a limpeza do solar colindante coa zona de autocaravanas, que en catro anos nunca se limpara, ou outro preto do CEIP ‘Vista Alegre’. Ou mesmo a rapidez en falar coa Demarcación de Estradas de Lugo para solventar os problemas da variante”.
Ademáis, segundo os populares, “os veciños perciben proximidade: o equipo de goberno está no concello pero tamén está na rúa, e a xente é sempre atendida; vense os problemas ‘in situ’ e fálase e dialógase coas persoas que plantexan os seus problemas, decindo en todo momento a verdade, esquecendo o ‘sí, sí, sí…’ que sistematicamente estaba instalado nos últimos catro anos no concello para logo non facer nada”.
Por outra parte, “véñense de retomar asuntos que estaban paralizados e que afectan, e moito, ó conxunto dos cidadáns: estáselle a dar un empuxe á elaboración do PXOM, coa implicación directa do alcalde e do concelleiro de urbanismo, cousa que antes non pasaba; vólvese a traballar sobre o parque eólico singular que o bipartito paralizara; dase de alta a instalación fotovoltaica do pavillón ‘Vista Alegre’ que levaba parada cáseque un ano, etc.”.
No tocante ás actividades realizadas polo verán, segundo os populares, “tanto socialistas coma nacionalistas decían que se xa non se farían, tentando enganar ós cidadáns, pero o certo é que se fixeron máis ca en anos anteriores. Decían que se acabarían as escolas deportivas e resulta que o básico permanece e ainda se aportan actividades. Tamén desaparecería o compromiso coa dependencia e coa terceira idade, xa que non se farían cursos nin a actividade de fisioterapia, e resulta que tamén se manteñen. En definitiva, que neste apartado tamén é para estar satisfeitos, máxime logo de ver as mentiras dos antiguos socios do bipartito”.
En relación coas críticas vertidas polos socialistas, o PP burelés entende que “son só unha pataleta de nenos cabreados derivada do escaso ou nulo traballo dos seus concelleiros, especialmente do seu portavoz, o antigo alcalde, que pouco ou nada se deixa ver polo concello, sigue demostrando que o del non é o traballo e só fala de oídas”.
Para os populares, “da súa nota de prensa, despréndese que os socialistas ainda non teñen aceptado que o PP ganou as eleccións por maioría absoluta. A súa arrogancia, xunto cun afán desmesurado de quedar ben con todo o mundo a base de palmadiñas, bicamáns, etc., tíñaos convencidos de que, ainda perdendo as eleccións, gobernarían xunto cos nacionalistas, como pasou hai catro anos. Pois ben, os resultados son que o PP tén a maioría absoluta, o PSOE está na oposición e non existe o grupo municipal do BNG”.
Desde o PP ratifican o que no seu día dixo o alcalde: “se os socialistas teñen dúbidas sobre a legalidade da contratación dunha orientadora laboral, xa saben o que teñen que facer, pero non foron quen de presentar unha alegación ás bases”.
Finalmente, o PP agradece, ainda que o pón en cuarentena, ese ánimo de colaboración dos socialistas, porque “non é de fiar que agora se ofreza a colaborar quen nos catro anos anteriores non contou para nada co grupo maioritario da corporación. Se queren, xa poden comenzar a demostrar agora ese ánimo de colaboración, porque deberían saber perfectamente que é o que poden e deben facer. Con todo, serán tidos en conta para aqueles asuntos de calado para a cidadanía”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
