Nota de prensa
O deputado popular, e tenente de alcalde do Concello de Cervo, faise eco desta aspiración dos socios do Club Náutico “Amigos do Mar” que demandan estes novos usos portuarios
PROSPERA A INICIATIVA PARLAMENTARIA IMPULSADA POR BALSEIRO SOLICITANDO Á XUNTA A CREACIÓN DUNHA MARIÑA SECA NO PORTO DE SAN CIPRIAN
O acordo parlamentario acadou o apoio unánime das tres forzas políticas: PP –autores da mesma-, PSOE e BNG.
Santiago, 04 de outubro de 2011.- Na Comisión de Pesca e Marisqueo que tivo lugar esta mañá no Parlamento galego prosperou a iniciativa impulsada polo deputado popular Jose Manuel Balseiro, solicitando á Xunta a creación dunha mariña seca e un espazo de garda contra as inclemencias climatolóxicas no porto de San Ciprián. Máis en concreto, o acordo final, acadado por unanimidade das tres forzas políticas parlamentarias, empraza ao ente público autonómico Portos de Galicia, a executar estas actuacións “antes de finais do ano en curso, en decembro do 2011”.
AMIGOS DO MAR
O deputado popular e primeiro tenente de alcalde do Concello de Cervo, Jose Manuel Balserio, felicitouse por esta decisión e sinalou que deste xeito o Parlamento está a facerse eco dunha demanda dos usuarios do porto –con pequenas embarcacións pesqueiras e recreativas- e, nomeadamente, dunha aspiración capitaneada polos dous centenares de socios do recentemente constituído Club Náutico Amigos do Mar de San Ciprián.
Jose Manuel Balseiro indica que o procedemento a seguir sería a reordenación dos actuais espacios portuarios de tal xeito que, entre outras, poidan albergar esta mariña seca, isto é, unha zona de varada das embarcacións para poñelas en seco, para resgardalas da resaca ou dos golpes de mar, ou tamén para efectuar nela operacións de arranxo, mantemento ou limpeza. De feito, parte da explanada onde se atopaba a antiga nave de lonxa, é xa un espazo ideal para albergar a mariña seca e pode ser habilitado dun xeito sinxelo, para darlle cabida alí ás embarcacións naúticas e recreativas existentes. Ademais o porto xa dispón dunha grua que facilitaría a súbida das embarcacións ata a zona de varada.
REXEITADA EMENDA DO PSOE
O acordo final, acadado por unanimidade, non contempla a emenda do PSOE que foi rexeitada. Balseiro non aceptou incorporala xa que os socialistas condicionaban o proxecto a que aparecera unha partida orzamentaria específica no 2012. A devandita petición era de todo xeito improcedente máxime cando suporía un retraso considerable na execución da obra, xa que o PP e a acordo final contempla iniciar a construción da mariña seca e da zona de garda antes final deste ano.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
