Nota de prensa
“Nova lexislatura, idénticas actitudes”
Grupo provincial do Partido Popular fixo hoxe balance dos 100 primeiros días de goberno na Deputación asegurando que se repite o esquema da pasada lexislatura
Segundo Barreiro mantense a bicefalia, o sectarismo e o interese partidista
Lugo, a 4 de outubro de 2011.- “Nova lexislatura pero idénticas actitudes”. Así resumiu José Manuel Barreiro, voceiro dos populares na Deputación, os cen días de goberno provincial durante unha comparecencia na que estivo acompañado por outros deputados provincias do seu grupo.
Segundo asegurou, mantense a bicefalia, o mesmo reparto interesado de competencias e orzamentos entre PSOE e BNG; o sectarismo, posto que as portas da Deputación seguen pechadas para moitos alcaldes da provincia que militan no Partido Popular; e o interese partidista sobre o xeral, porque o único que importa é acadar rédito electoral a costa do que sexa.
En opinión do GPPP, a Deputación, pese a súa vocación de concello de concellos, non lidera iniciativas encamiñadas a apoiar ós municipios e axudalos a afrontar a difícil situación económica na que se atopan. “Os grupos que sostentan o goberno provincial negáronse a requerir ó Goberno central o aplazamento da devolución dos adiantos percibidos do Estado, pese o grave perxuizo que esta obligación suporá para eles e para a propia administración provincial, e inhibese á hora de propoñer ós municipios accións conxuntas encamiñadas a unificar servizos que lles permitan garantir a calidade da prestación e reducir custos”, explicou Barreiro.
“A Deputación dá as costas as administracións máis próximas ós cidadáns, obrigando ós concellos a tomar a iniciativa; e eso que o seu presidente asegurou no discurso de investidura que a cooperación e asistencia ós concellos sería a súa prioridade”, lembrou. “Unha vez máis do dito ó feito, hai un treito”, enfatizou.
A CONTRACORRENTE
Unha circunstancia que para os populares demostra que a Deputación vai a contracorrente co que propugnan e fan outras administración (puxo coma exemplo á Xunta) e mesmo demanda os propios concellos.
“A Deputación négase a apoiar a quen debe e quen llo demanda pero non ten reparo en esixir implicación a outras administracións, como é o caso da Xunta de Galicia, coas que nin sequere estableceu contacto”, insistiu Barreiro, quen sacou a colación a rexeitamento do que foi obxecto a moción presentada polo seu grupo en marzo de 2011 para que Xunta, Deputación e concellos concertaran a posta en marcha das residencia da terceira idade que pretende construir a administración provincial. “Daquela, próximas as eleccións municipais, non interesaba que as administracións implicadas colaboraran; agora pretende obrigar á Xunta a participar na súa financiación pese a que non foi informada sobre este asunto”. Un caso semellante, segundo dixo, ó da graxa Gaioso Castro e no que tamén se pode enmarcar o Lugo Emprega.
“Os tres foron presentados pouco tempo antes da celebración das municipais e, como dixemos daquela e o tempo nos deu a razón, tiñan como obxectivo acadar un rédito electoral. Agora, pasadas as eleccións, xa non preocupa a sorte que corran os traballadores adscritos ó Lugo Emprega. Como xa denunciamos no seu día, ademais de atentar contra a autonomía municipal, o plan non tiña como obxectivo crear emprego estable e de calidade; nin se sopesou sequera darlle continuidade nin sequera buscar a colaboración entre institucións para sumar recursos e acadar así mellores resultados”, explicou.
Barreiro ironizou sobre a posibilidade de que agora Besteiro tamén “lle anote” á Deputación o incremento do desemprego rexistrado na provincia de Lugo o pasado mes de setembro.
Tamén denota a nula aposta polo emprego o feito de que non se incentive a creación de chan industrial. “A pasada lexislatura non se abriu ningún polígono industrial novo e eso que a planificación viña do 2006. Tanto é así que concellos como o de Burela están agardando a que se mova a primeira pedra e no de Paradela principian agora as obras cando xa tiña que estar operativo”.
Os populares tamén detectan “electoralismo” no feito de que a proposta efectuada en xuño de 2010 polo seu grupo para constituir unha xunta de compras que permitira aforrar custos fora rexeitada. “Daquela a proposta non valía pero despois Gómez Besteiro non tivo reparo en incluíla no seu discurso de investidura como parte da súa folla de ruta. Certo é tamén que, polo momento, aínda non sabemos nada dela”, apuntillou.
Barreiro tamén reprochou ós nacionalistas a incoherencia da súa posición sobre a nova caixa galega, posto novamente de manifesto no transcurso do último pleno provincial. Lamentou a este repecto que a Deputación non aproveitara as oportunidades xurdidas para sumar esforzos coa Xunta de Galicia e respaldar o proceso de constitución dunha nova caixa.
MÉRITOS IMPROPIOS
Os populares tamén criticaron que a Deputación pretenda apropiarse “en exclusiva” da posta en marcha dos parques provinciais de bombeiros. “Parece que o equipo de goberno provincial tivo un ataque de amnesia”, dixo, ó tempo que lembrou que a iniciativa “desbloqueouse” coa chegada do PP á Xunta.
Tamén recomendou a socialistas e nacionalistas “non poñer o carro antes que os bois” coa instalación da empresa Pacadar en Monforte. “A súa implantación depende dunha axuda do Igape e mellor non adiantarse en exceso ós acontecementos porque o PSOE xa a comprometera en 2007 e dicía que en 2009 xa ía a estar en funcionamento”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
