NOTA PRENSA
O Grupo Municipal do PP no Concello de Ribadeo reproba o comportamento amosado polo Alcalde e o seu Equipo de Goberno coa súa ausencia Institucional durante os actos celebrados no Concello con ocasión da festividade do Pilar, Festa nacional de España e Patroa da Guarda Civil e mais dos funcionarios e funcionarias de Correos.
A falta desta representación Institucional, ademais de ser reflexo dun comportamento pueril, sectario e cheo de complexos dos nosos gobernantes, supón un desprezo e unha falta de respecto non só a un dos colectivos esenciais para garantir a seguridade no noso Concello, como é a Garda Civil, senón tamén, unha falta de respecto a unha grande parte dos nosos veciños e veciñas que confían e agradecen o labor desenvolvido por esta Institución.
O Alcalde, como representante de tódolos Ribadenses, incluso de aqueles que non lle votaron, está obrigado a asumir a representación do Concello e a estar presente en todos aqueles actos para os que sexa requirido dende as distintas Institucións do Estado, incluso cando a súa ideoloxía persoal ou de partido puidera estar en contradición, debendo, na súa actuación, antepoñer os intereses do noso pobo sobre os seus persoais e de partido.
Non hai desculpas xustificadas desta ausencia neste concreto acto, cando a presenza do Alcalde ou dalgún membro do equipo de goberno é habitual en todos aqueles actos relixiosos e en todas aquelas festas que ao longo do ano se veñen celebrando nas distintas parroquias da nosa vila, polo que só cabe incardinar esta ausencia dentro dun comportamento partidista e sectario do equipo de goberno, na que antepoñendo a súa ideoloxía política aos intereses xerais, emprega a Institución que preside para amosar o seu rexeitamento e a do seu grupo político a todo o que significa esta festividade, na que, como Día Nacional, se fai fincapé nos principios básicos da nosa Constitución que consagran a unidade, a solidariedade e a cooperación entre todas as xentes e entre todos os territorios do Estado Español, e ao tempo se homenaxea a un dos Corpos básicos da Seguridade do Estado: a Garda Civil.
Dende o Grupo Municipal do PP esixímoslle ao Alcalde e ao seu equipo de Goberno que no futuro amosen maior cintura política e o sentido Institucional necesario para entender que dende os seus cargos están a representar ao conxunto dos veciños de Ribadeo, e non só os votantes do BNG, e polo tanto pedímoslles que nas súas actuacións antepoñan os intereses xerais do Concello e de todas as súas xentes aos seus propios intereses persoais e de partido.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
