Coordinado pola doutora María Pilar Rodríguez Ledo, o libro analiza as claves biolóxicas, sociais e ambientais que explican a elevada esperanza de vida en Galicia e conta coa participación de referentes científicos como Ángel Carracedo, África González, Rosa María Meijide ou José María Failde
Santiago de Compostela, 25 de xullo de 2026. Galicia consolidouse nos últimos anos como un dos grandes territorios europeos de lonxevidade. Sobre esta realidade nace Galicia Vive+, unha obra colectiva editada por Ézaro que reúne destacados especialistas en xenética, medicina, inmunoloxía, investigación biomédica e ciencias do comportamento para analizar, desde unha perspectiva científica e divulgativa, as claves dunha vida máis longa e saudable.
A publicación presentarase oficialmente o martes 28 de xullo ás 20:00 no Hostal dos Reis Católicos e contará coa participación de Miguel Santalices, presidente do Parlamento; Antonio Gómez Caamaño, conselleiro de Sanidade; e María Pilar Rodríguez Ledo, coordinadora científica da obra.
Galicia Vive+ inclúe un prólogo do presidente da Xunta de Galicia, Alfonso Rueda, e achegas de recoñecidos expertos como Ángel Carracedo, José María Failde, Roberto Fernández, Rosaura Leis, Rosa María Meijide, Pablo García Vivanco, África González, Juan Manuel Pías Peleteiro e Fernando Rebollal, todos eles profesionais vinculados ao estudo do envellecemento saudable e da mellora da calidade de vida.
Galicia, un laboratorio natural de lonxevidade
Ao longo dos seus capítulos, Galicia Vive+ analiza os principais factores que explican o fenómeno da lonxevidade galega, integrando evidencia científica recente en biogerontoloxía, epidemioloxía e saúde poboacional. A obra aborda cuestións como a regulación xenética, os procesos inflamatorios asociados ao envellecemento, o impacto da dieta atlántica, a actividade física cotiá ou a importancia do capital social e relacional no benestar das persoas.
O texto propón unha visión integradora da lonxevidade como resultado da interacción entre factores biolóxicos, ambientais e socioculturais. Desde esta perspectiva, conecta os determinantes moleculares do envellecemento cos estilos de vida e o entorno social, ofrecendo unha aproximación rigorosa e baseada na evidencia científica sobre como vivir máis anos e con mellor calidade de vida.
Ciencia, divulgación e ferramentas para vivir mellor
Os diferentes capítulos incorporan estudos de cohortes, datos demográficos e exemplos concretos que axudan a comprender como interactúan a herdanza xenética e o ambiente na extensión da esperanza de vida e, especialmente, nos anos vividos con boa saúde.
Con rigor científico e vocación divulgativa, Galicia Vive+ achega ao lector ferramentas e coñecementos baseados na evidencia para promover un envellecemento activo e saudable, converténdose nunha obra de referencia tanto para profesionais sanitarios e investigadores como para calquera persoa interesada en comprender os desafíos e oportunidades asociados á lonxevidade.
Ademais, o libro pon en valor o papel de Galicia como territorio de referencia internacional na investigación sobre envellecemento e calidade de vida, consolidando un espazo de encontro entre ciencia, sociedade e institucións.
María Pilar Rodríguez Ledo, coordinadora científica da publicación
A obra está coordinada por María Pilar Rodríguez Ledo, médica de familia e doutora en Medicina pola Universidade da Coruña, presidenta da Sociedade Española de Médicos Xerais e de Familia (SEMG) e do Comité Territorial de Ética da Investigación de Santiago–Lugo.
Rodríguez Ledo conta cunha ampla traxectoria no ámbito da Medicina Familiar, a investigación e a xestión sanitaria. Foi coordinadora nacional do Grupo de Traballo de Metodoloxía e Apoio á Investigación da SEMG e subdirectora médica da Estructura de Xestión Integrada de Lugo, Cervo e Monforte.
Ao longo da súa carreira participou en máis de 123 comunicacións científicas nacionais e internacionais, publicou máis dun centenar de traballos especializados e dirixiu múltiples teses de doutoramento. A súa labor investigadora e divulgativa foi recoñecida con distincións como o Premio de Innovación SEMG ou o Premio Nóvoa Santos.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
