Nota de prensa
Xosé Regueiro e Carme Otero profetas na súa terra.
A serpe multicolor da LNB segue abrindo novos camiños e desprazóuse desta volta ata A Pontenova, donde ca Praza dos Fornos ateigada de xente, se celebrou o “I Aberto do Ferro”, torneo de billarda correspondente a 3ª xornada da liga regular da LNB.
A estrea billardeira non puido ser millor xa que se pasou dos sesenta palanadores que romperon tódolos rexistros nun aberto da Conferencia nai.
O bondade do día axudou a vistosidade da competición. Sin nubes no ceo, Lorenzo luciu maxestuoso o comezo da xornada ainda que paseniño e por mor da grande cantidade de xente non tivo outra que se retirar e dar paso o fuscolusco no que se xograron as carreiras de desempate polos postos de honra.
Cabe destacar, por riba do bo facer dos anfitrións que contribuiu o éxito deportivo da xornada en xeral, o espectacular rendemento das dúas franquicias da Pontenova, Pau de Toxo e Troitas Bravas. Xoragon moi ben e foron profetas na súa terra deixando craro que non van de comparsas. Os adestramentos oficiais deron fruto ca consecución do título individual no aberto e o 3º posto en donas.
O “troitobravo” Xosé Regueiro foi quen de gañar as cinco carreiras (10 puntos), o que lle deu o 1º posto no aberto.
Polo segundo e terceiro posto loitaron ó millor de tres carreiras outros tantos palanadores chegados do Sur: Cristian, Lois Camiña e Xan Rodiño (empatados a 9 puntos). A veterania de Camiña e mais Rodiño, chimparon fora da loita ao xoven Cristian e repartironse entre eles o 2º e o 3º posto.
No apartado de donas, na disputa do 1º e 2º posto enfrontaronse a dúas carreiras Bea (Remourelle Bulls) e Reyes (Os Outros), con 8 puntos cada unha. Foi a vixente campiona Nacional Reyes quen se fixo co podio e polo tanto Bea subiu o segundo caixón. O 3º posto ocupouno Carme do equipo local de Troitas Bravas con 7 puntos.
Para a seguinte xornada tamen se agarda unha grande participación. Será o “II Aberto de Flores” en San Miguel de Reinante. Co cambio de hora xa vixente, comenzaremos a xogar as 16,00 h. para non ter que rematar a xornada entre fachos.
Na clasificación segue Guille (27 p.) de primeiro pero seguido de cerca por Markytos (26 p.) e Reyes (25p.)
En varados Markytos iguala a Guille (2 varados).
No apartado de equipos os Billardeiros Musicais (94 puntos ) desbancan a Os Outros ( 93 puntos ) do primeiro posto, en terceiro lugar seguen os Batea (86 puntos).