Nota de prensa
A XUNTA DESTINARÁ MÁIS DE 9,5 MILLÓNS DE EUROS AO COMPLEMENTO EXTRAORDINARIO DE 206 EUROS QUE RECIBIRÁN 46.000 PENSIONISTAS
Os beneficiarios deste complemento percibirán a axuda antes de que remate o ano
O Consello da Xunta autorizou hoxe o proxecto de decreto polo que se establece este complemento extraordinario a favor das persoas beneficiarias das pensións non contributivas da Seguridade Social (PNC), das que perciben o Fondo de Asistencia Social (FAS) e das que cobran o subsidio de garantía de ingresos mínimos (SGIM)
A partida destinada ao complemento das pensións non contributivas figura por primeira vez nos orzamentos de 2011 como “crédito ampliable”, polo que este orzamento se incrementará, de ser necesario, para dar cobertura a todo aquel que cumpra os requisitos
Os pensionistas deberán cumprir dous requisitos: ter residencia habitual en Galicia e estar en situación de alta en nómina de pensións non contributivas na data de entrada en vigor do decreto, o día seguinte da súa publicación no DOG
O compromiso do Goberno galego coas persoas en risco de exclusión non só se reflicte no mantemento deste complemento, senón que de cara a 2012 se incrementa a RISGA nun millón de euros e as AES en 100.000 euros
O orzamento global destinado á inclusión aumentará en 2012 nun 1,5 por cento, de xeito que pasa dos 40,3 millóns aos 41 millóns
Preto de 46.000 galegos e galegas se beneficiarán dun complemento extraordinario de 206 euros grazas ao proxecto de decreto autorizado hoxe polo Consello da Xunta polo que se establecen estas axudas sociais correspondentes ao ano 2011 a favor das persoas beneficiarias das pensións non contributivas da Seguridade Social (PNC), das que perciben o Fondo de Asistencia Social (FAS) e das que cobran o subsidio de garantía de ingresos mínimos (SGIM). O Goberno galego destinará ao pagamento destes complementos extraordinarios máis de 9,5 millóns de euros.
A paga, que se aboará mediante un pagamento único antes do mes de xaneiro, será a favor de pensionistas de xubilación e invalidez, na súa modalidade non contributiva; de persoas anciás e enfermas con incapacidade para o traballo beneficiarias de axudas periódicas individualizadas e das persoas que presentan unha minusvalidez e que son beneficiarias do subsidio de garantía de ingresos mínimos.
O Goberno galego cumpre así o seu compromiso de renovar este complemento, que os pensionistas de Galicia cobrarán antes do mes de xaneiro.
A partida destinada ao complemento das pensións non contributivas figura por primeira vez nos orzamentos de 2011 como “crédito ampliable”, polo que o orzamento se incrementará, de ser necesario, para dar cobertura a todo aquel que o necesite. Polo tanto, a Consellería de Traballo e Benestar garante que calquera persoa beneficiaria das pensións non contributivas recibirá este complemento sempre que cumpra cos requisitos recollidos na normativa.
Para os orzamentos de 2012 mantense a partida para este complemento extraordinario das pensións non contributivas e por segundo ano consecutivo figurará como crédito ampliable.
Para optar a estas axudas non é necesario que os beneficiarios presenten ningún tipo de solicitude nin facer ningún trámite adicional, xa que percibirán directamente o complemento extraordinario os que xa estean cobrando as pensións mencionadas. Así, na actualidade máis de 45.000 galegos e galegas se benefician das PNC, un total de 24 das FAS e preto de 700 do SGIM.
Para recibir estas axudas hai que cumprir dous requisitos: estar en situación de alta en nómina, é dicir, ser xa pensionista na data de entrada en vigor do decreto (o día seguinte da súa publicación no DOG) que autorizou hoxe a Xunta e ter a residencia habitual en Galicia. Deste xeito, o pagamento realizarase de oficio a todas as persoas beneficiarias que reúnan estes requisitos, para o cal se recorrerá á información contida na base de datos da Xunta de Galicia. O pagamento efectivo farase a través dunha transferencia bancaria na conta corrente onde as persoas beneficiarias teñan domiciliado o recibo ordinario da súa prestación.Incremento no orzamento de inclusión
Neste contexto de complexidade económica, a Consellería de Traballo e Benestar tamén aumentará a partida destinada á renda de integración social de Galicia (RISGA) de cara ao 2012, tal e como se recolle nos novos orzamentos. En concreto, o seu financiamento incrementarase nun 4,3 por cento. Así, a partida inicial pasará dos 22,7 millóns de euros de 2011 aos 23,7 de 2012.
Hai que ter en conta, ademais, que no ano 2012 a partida da RISGA volverá figurar, por segundo ano consecutivo e ao igual que sucede no complemento das pensións, como crédito ampliable. Isto quere dicir que queda establecido na lei que a partida inicial se incrementará en función das necesidade para dar cobertura a todo aquel que cumpra os requisitos.
O compromiso do Goberno galego coas persoas en risco de exclusión non se reflicte só no aumento da RISGA, senón que o orzamento global destinado á inclusión aumentará en 2012 nun 1,5 por cento, de xeito que pasa dos 40,3 millóns aos 41 millóns. Deste xeito, tamén se verá incrementado o orzamento destinado ás axudas de emerxencia social (AES) en 100.000 euros.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
