Nota de prensa
ECONOMÍA E INDUSTRIA FOMENTA A XERACIÓN DE ENERXÍA EÓLICA DE PEQUENA POTENCIA NOS PORTOS GALEGOS
O Instituto Enerxético de Galicia asinará un convenio con Portos de Galicia para o estudo da posibilidade de implantar instalacións eólicas en tres portos da comunidade
A actuación encádrase dentro da estratexia da Xunta de Galicia de aposta polas fontes renovables e o aforro e a eficiencia enerxética, que suman un total de 58,1 millóns de euros de investimento no que vai de lexislatura, o que xera a mobilización de investimentos por valor de 167,6 millóns
Con esta acción perséguese a incorporación de fontes enerxéticas menos contaminantes e a redución do consumo de enerxía nos portos
O Consello da Xunta autorizou hoxe ao Instituto Enerxético de Galicia (Inega), ente adscrito á Consellería de Economía e Industria, a sinatura dun convenio de colaboración con Portos de Galicia e co Instituto para a Diversificación e o Aforro da Enerxía (IDAE) para a realización dun estudo que analice a capacidade de integración da enerxía eólica de pequena potencia –ata 100 kW- nos portos de Galicia.
Esta actuación, para a que se achegan un total de 55.000 euros, encádrase dentro do fomento das enerxías renovables e do Plan de Aforro e Eficiencia Enerxética 2011-2013 nas administracións públicas galegas, co que o Goberno galego pretende acadar unaforro de ata o 40% no consumo de enerxía final.
Sobre a base destas actuacións, a consellería que dirixe Javier Guerra leva investidos no que vai de lexislatura 58,1 millóns de euros, que xeran a mobilización de investimentos por valor de 167,6 millóns e un aforro económico de 89,6 millóns de euros.
O presente acordo permitirá a selección de tres portos da comunidade –Rías Altas, Medias e Baixas- nos cales se fará unha análise dos custos asociados a este tipo de instalacións e se definirá un proxecto tipo para cada un.
A Consellería de Economía e Industria persegue, así, adecuar o consumo de enerxía nos portos da comunidade, establecendo para iso o marco base de colaboración que favoreza as relacións entre as partes implicadas.
Deste xeito, ademais de analizar a demanda eléctrica dos portos e a viabilidade técnicoeconómica dos proxectos, emitirase un informe final que recollerá as posibilidades de desenvolvemento destes, permitindo coñecer a repercusión que sobre a xestión dos portos ten a implantación de eólica de baixa potencia.
A aposta polas fontes renovables, xunto co aforro e a eficiencia, son obxectivos estratéxicos da política enerxética da Xunta, que se centra en impulsar a redución do alto consumo enerxético, a diminución das emisións de CO2, a creación dun tecido industrial e o aforro económico que leva aparellado.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
