Nota de prensa
Veiga chama a Xunta a actuar para evitar o desmantelamento económico da Mariña
O BNG reúne ao seu Consello Comarcal para poñer alternativas diante do empeoramento da situación económica na Comarca.
A Mariña, 2 de novembro de 2011. O Bloque Nacionalista Galego volveu denunciar na xornada de hoxe o progresivo deterioro da situación económica na Comarca da Mariña da que son exemplos ben claros, tanto o ERE de extinción en Móbeis Hermida coa perda de máis de 75 empregos, así como o outro ERE de extinción en Finsa Mondoñedo, o que representa a perda doutros 67 empregos, ao que temos que sumar os centos de empregos que se veñen perdendo desde 2009 así como outros tantos negocios que están a fechar na Comarca.
Segundo anunciou o Responsábel Comarcal do BNG,Antonio Veiga “ a gravidade da situación levounos a convocar no dia de hoxe un Consello Comarcal Extraordinario do BNG para analizar a situación que se está a vivir na Mariña, o que require de respostas sociais e políticas, tanto para amortiguar a situación económica daquelas persoas que actualmente se atopan en paro, as persoas que a día de hoxe xa perderon a situación desemprego así como aquelas que están a perder o seu emprego como consecuencia dos procesos de reestruturación empresarial e comercial en marcha. Asemade tampouco podemos deixar de dar alternativas diante do feche continuado de centros de traballo o que pon a nosa zona nunha situación limite e máis cando a coxuntura económica lonxe de mellorar tende a empeorar”.
“Non é de recibo a posición da Xunta de Galiza, co seu silencio e a súa pasividade, nun momento que están a desguazar a Mariña” afirmou Veiga quen demandou da “ admistración autonómica unha implicación clara ao lado daqueles que están a sufrir a crise e que necesariamente debe levar Planos de acompañamento social pero tamén o apoio decidido a alternativas que sexan capaces de crear emprego, fixando garantías para que este sexa real e non só unha coartada para receber diñeiro público. O goberno galego non pode tratar os ERES ou os procesos de reestruturación empresarial como se se tratasen de procedementos admistrativos posto que atrás destas medidas hai centos de dramas persoais pero tamén o feche de alternativas de futuro para a zona. Mesmamente resulta particularmente grave que a grande sangría en termos de emprego se veña dando en actividades económicas que teñen un carácter estratéxico para a Comarca como pode ser o forestal, á construción e tamén aos servizos”.
O Portavoz dos nacionalistas esixiu explicacións a Xunta de Galiza, “ xa que até a data a pesar das iniciativas que temos formuladas no Parlamento de Galiza no caso concreto de Hermida ou de Finsa en Mondoñedo aínda non dixeron esta boca é nosa. A que anda o Goberno Galego?, para que esta a Xunta de Galiza?, se non é capaz, nin quere darlle solucións aos problemas dos seus cidadáns. Tamén é curiosa, e por iso esiximos unha explicación á posición da Inspección de Traballo de Lugo que se desmarca nunha xunta coa representación sindical de Hermida cunha chantaxe en toda regra para condicionar o resultado do ERE. Neste sentido queremos denunciar tamén a posición da Autoridade laboral, neste caso a Dirección Xeral de Relacións Laborais, quen renunciou as súas funcións legais de mediar diante dun conflito laboral. Alén da magnitude dos procesos en Hermida ou en Finsa tamén queremos facer un chamado de atención diante da situación que se está vivir na pequena e na mediana empresa, tamén na de moitos autónomos afogados pola caída do consumo, como consecuencia das políticas de austeridade, e tamén pola falta de liquidez, diante do comportamento dun sector financeiro, que foi rescatado co diñeiro de todos”.
Xa por último Veiga anunciou que “ nos acreditamos no futuro da Mariña e non nos resignamos a que esta comarca sexa un ermo económico sen outra alternativa que a emigración. Hai potencialidades, e sobre esas potencialidades é onde temos que actuar. Tamén é necesario garantir que o crédito chegue aos negocios e por suposto que hai que intervir na demanda agregada para incentivar o consumo, e desde logo temos que parar todo esta avalancha de destrución de emprego, posto que a mesma provoca centos de dramas en homes e mulleres senón que imposibilita escenarios de futuro con crecemento económico”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
