Nota de prensa
UPV MARISTAS VALENCIA, BROCHE DE 2011 EN VISTA ALEGRE
O fútbol sala laranxa pon o broche de 2011 en Vista Alegre coa visita do UPV Maristas Valencia, na décimo cuarta xornada da Segunda División. A bomboneira abrirá o espectáculo mañá, ás 18.30 horas. “Non vai ser un partido apracible” aseverou o ala-pivote burelista Dani Martín, marca goleadora do CD Burela FS Pescados Rubén e da liga, que con nada máis e nada que 16 dianas en 13 xornadas foxe dos méritos atribuíndolle á ‘sorte’ a súa capacidade goleadora: “Intento axudar os compañeiros e sacrificarme por eles, na dinámica lóxica dun equipo, e a miña recompensa converteuse en estar acertado de cara á portería, aínda que todas as tarefas son igual de importantes”.
O xogador salmantino destacou as calidades do cadro valenciano, nunha ‘inxusta’ undécima praza, con 15 puntos. “É un conxunto moi aguerrido que polo seu potencial non está onde debería. Posúe un cadro compacto, que leva anos xunto e que ten moi claro o seu xogo; cada ano as incorporacións adáptanse sen problemas a unha dinámica moi asentada”, analizou Dani.
Os levantinos chegarán moi animados á cita co obxectivo de rematar 2011 en postos de play off, co oitavo posto a 3 puntos. Os últimos resultados na liga, cunha vitoria e dous empates nas últimas tres xornadas, e a sorpresa da Copa do Rei, eliminando o Benicarló de Primeira, danlles alas nesta nova afronta. Como contrapunto preséntase o hándicap do visitante, xa que o Maristas aínda non conseguiu impoñerse lonxe da casa.
Dani Martín recoñeceu a motivación dos laranxas, que dende a sexta posición (20 puntos) poden acariñar o podio, a tan só 2 puntos. “Para nós é moi importante pechar o ano cunha vitoria, para non desengancharnos dos postos altos e chegar ás vacacións de Nadal con esa tranquilidade; unha derrota traería bastantes preocupacións para o equipo”, dixo o salmantino.
Entre os desexos do pichichi do CD Burela FS, lideran o ‘top ten’ para 2012 “manter a liña individual que me está dando acerto na portería nun equipo no que atopo moi cómodo e, colectivamente, encontrarnos cada un dos xogadores con nós mesmos para chegar a esa regularidade lonxe da casa que se nos resiste desde principios da tempada e poder brindarlle á afección a alegría de estar entre os mellores”.
Un xoguete, unha ilusión. Todas as persoas interesadas poderán contribuír co seu gran de area na campaña de recollida de xoguetes da Cruz Vermella “Un xoguete, unha ilusión”, na que colabora a peña A Pataca Naranxa. Así, poderán depositar os seus agasallos no pavillón Vista Alegre este sábado coincidindo co encontro da Segunda División e, ata o 20 de decembro, de luns a venres polas tardes. A Pataca Naranxa tamén dispón dun servizo de recollida a domicilio (número de contacto: 607 74 87 86).
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
