Nota de prensa
VEIGA ESIXE Á XUNTA “UN PLANO DE EMPREGO PARA A MARIÑA”
O VICEPRESIDENTE DENUNCIA “QUE A CRISE ESTÁ A COLOCAR A COMARCA NUNHA SITUACIÓN LÍMITE”
O vicepresidente da Deputación de Lugo, o nacionalista Antonio Veiga, na rolda de prensa posterior á Xunta de Goberno da Deputación, esixiu da Xunta de Galiza “que ofreza alternativas á situación económica que está a vivir a Comarca da Mariña e demandou do executivo galego un compromiso claro sobre os sectores económicos e as persoas da mesma que están a padecer de xeito particular a actual situación”.
Antonio Veiga referiuse á actual vaga de despedimentos e de feches de negocios e de empresas, que vai co conxunto dos veciños da zona até o punto de que ninguén está á marxe do que acontece. “Se ben hoxe as miradas se centran en ECAR ou Hermida, Mon ou Sargadelos, estes catro centros de traballo non son máis que a punto do iceberg do que había pero sobre todo do que ven polo que non hai sitio para ficar quietos e non actuar. Neste sentido urximos aos responsábeis da Xunta de Galiza a que rachen coa pasividade coa que están a actuar, unha actitude que podemos definir co “non sabe, non contesta” nuns casos e noutros, claramente, coa colaboración activa no desmantelamento dos centros de traballo da zona. A día de hoxe, estamos a falar da desaparición de preto de 200 empregos así como da redución de xornada e tamén de salario doutro grande número de traballadores no complexo de Sargadelos. Alén disto, non podemos deixar de pensar na situación de centos de autónomos e PEMES, pequenos negocios e estabelecementos hostaleiros, abonda como dado que desde abril de 2009 o desemprego aumentou na Mariña en máis dun 40%” – afirmou Veiga.
Nesta liña, o vicepresidente esixiu “compromisos claros por parte da Xunta de Galiza co emprego e co presente económico da Mariña. Estamos nunha situación limite que non ten marcha atrás, cunha Comarca en almoeda do que son un bo exemplo os dados de emprego de novembro e que vai camiño do monocultivo empresarial”.
Veiga expuxo que “polo tanto demandamos en primeiro lugar que o Goberno Galego poña en marcha un plano de incentivación do emprego para a comarca da Mariña. En segundo lugar demandamos Planos de Acompañamento Social para aquelas persoas que se atopan en situación de desemprego, a comezar por aquelas persoas que se atopan sen cobrar ningún tipo de prestación, de cara a amortiguar a súa situación pero tamén de favorecer a súa inserción laboral. En terceiro lugar demandamos liñas de financiación a conta do IGAPE para todos aqueles autónomos e PEMES da Comarca que se atopan atrapados en concursos de acredores e que como se consecuencia dos mesmos a súa viabilidade está en risco. E xa por último demandamos a posta en marcha un Plano de Choque que fomente o consumo a fin de evitar o feche de centos de pequenos negocios”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
