Nota de prensa
A Deputación aforrou ós Concellos 300.000 euros no último ano coa dotación de maquinaria para vías municipais
– Liquidada a débeda do canon en Taboada logo de que a Xunta de Goberno aprobase hoxe as derradeiras actuacións que supoñen un investimento total de máis de 500.000 euros
– A sesión vese na obriga de resolver un contrato e pagar 100.000 euros en expropiacións porque o anterior Goberno do PP deixou contratadas obras sen crédito nin terreos
– O Barco Muralla que visitaron 10.000 persoas en 2011 voltará a promocionar a riqueza medioambiental da provincia en multitudinarias citas grazas ós fondos europeos de Lug02
A Xunta de Goberno aprobou hoxe a cesión de maquinaria para o arranxo de vías municipais de Cervantes e Portomarín por un valor total de 43.234 euros, asumidos pola Deputación e supoñendo, polo tanto, un novo aforro de custes ás arcas de ditas entidades locais. O voceiro provincial socialista, Manuel Martínez, destacou que a dotación deste equipamento é unha nova vía de Cooperación cos Concellos posta en marcha pola institución luguesa en resposta ás demandas dos municipios para mellorar os seus servizos. Deste xeito, Martínez avanzou que, tendo en conta as actuacións acordadas na sesión deste venres, o organismo provincial aforrou, no último ano, 300.000 euros ós Concellos, dotándoos deste material.
O voceiro socialista explicou que estas adquisicións leváronse a cabo mediante distintos Plans como ó canon. É o caso de Portomarín, que conta agora cunha retroexcavadora, dotada de 21.234 euros ou de Ribas do Sil que posúe unha motobomba (152.457 euros) e un tractor (59.910 euros). Mentres, a Deputación adquiriu para Cervantes unha máquina quitaneves e varias ferramentas de obra (xerador monofástico, un martelo cicelador, unha formigoneira eléctrica, un compresor de bateria, un coitelo nivelador e unha motoserra) de 22.000 euros; así como para Negueira de Muñiz unha cuña quitaneves (20.029 euros). Estas últimas actuacións leváronse a cabo a través de convenios de colaboración, primando os efectos dos temporais durante o inverno nas comunicación de ditos municipios.
Liquidado o canon en Taboada
A Deputación liquidou a débeda do canon en Taboada coa aprobación da derradeira obra por valor de 47.000 euros na sesión de hoxe. Trátase da pavimentación e da renovación da rede de abastecemento na rúa Rosalía de Castro. Martínez subliñou que en total, mediante este Plan e tendo en conta os traballos acordados hoxe, a Deputación achegou ó municipio taboadés 538.288 euros para 7 obras que, á excepción desta última, están todas executadas. Estas consistiron no acondicionamento dos seguintes accesos: As Neves-Xián (151.891 euros), Insua-Vilar (59.358 euros), Castelo-Iber (68.467 euros), Sobrecedo de Abaixo e Sobrecedo de Arriba (43.471 euros), rúas Peizás, Polvorín, campo da festa de Vilar-Ider (35.670 euros), e As Neves-Xián -segunda fase- dende o punto quilométrico 4,000 ó 6,940 euros (132.424 euros). Tamén o respecto do canon, a Xunta de Goberno aprobou unha das últimas obras a cargo deste Plan no Parámo. Trátase do acondicionamento dos accesos en San Vicente, así como da reparación da ponte na estrada que discorre entre este núcleo rural, Pinte e Gándara, por valor de 1.600 euros. O voceiro destacou que con estas actuacións, só queda pendente acordar co Rexedor paramés o 30% dos derradeiros traballos do canon logo de rematar coa execución de obras por valor de 140.984 euro. Estas foron as seguintes: acondicionamento dos accesos de San Mamede a Reascos e da igrexa de Reascos a Pena (52.143 euros); acondicionamento dos accesos de Santa Andrea á ponte, pavimentación dos núcleos de San Andrés e San Mamede (47.760 euros); e acondicionamento dos accesos en San Vicente, Pinte e Gándara (41.081 euros).
Débedas do PP
A Xunta de Goberno acordou resolver o contrato de construción dun depósito de auga potable en Vilar de Ulloa, en Palas de Rei, por valor de 10.500 euros, ó non contar cos terreos para a súa execución “como todo o que nos quedou adxudicado do anterior Goberno do Partido Popular, caso do famoso plan de 50 millóns de euros para o que non había nin crédito nin terreos”, destacou o voceiro. Esta foi adxudicada en 2003 a cargo do POL e, “logo de 9 anos de espera”, o Concello palense non puxo a disposición da Deputación o espazo necesario para levala a cabo. Por este motivo, explicou, tamén se acordou devolver a garantía de 420 euros depositada polo contratista. Neste senso, como mostra “das habituais prácticas do PP”, Martínez informou que a Xunta de Goberno acordou o pago de 101.134 euros ós propietarios dun total de 82 fincas que tiveron que ser expropiadas polo actual Goberno provincial para poder executar as obras de mellora da estrada de Carrizal a Mocelos, na Pastoriza, que tamén deixou contratada o Partido Popular.
Polo que se refire a outras obras, aprobáronse as contas xustificativas de 18 obras do Plan de Comunidades Veciñais executadas en 14 Concellos (Barreiros, Bóveda, Burela, Castroverde, O Corgo, Foz, O Incio, Lugo, Meira, Mondoñedo, Ribadeo, Sarria, Samos e Viveiro) por valor de 274.777 euros dos que a Deputación achegou 190.764 euros.
Barco Muralla de Lugo
A Deputación reanudará a promoción da riqueza medioambiental da provincia co Barco Muralla de Lugo. A aula turística móbil voltará a estar presente nas citas gastronómicas, feiras ou festas luguesas, aproveitando a visita de centos de persoas para dar conta das Reservas da Biosfera que ocupan o 55% do territorio da provincia, os máis de 100 quilómetros de Costa, os 800 quilómetros de rutas de peregrinación que discorren por Lugo, así como a calidade dos produtos autóctonos. Para elo, a Xunta de Goberno aprobou hoxe iniciar o proceso de contratación do transporte necesario para trasladar esta “embarcación” pola provincia, por valor de 64.800 euros, procedentes dos fondos europeos da segunda parte do programa Lug02. En 2011, o Barco Muralla estivo en 16 Concellos de Lugo onde recibiu a visita de máis de 10.000 persoas. Deste xeito, participou no Arde Lucus de Lugo, na Mostra Multisectorial de Monterroso, na festa do Caldo de Osos en Taboada, na Feira do Viño de Chantada, na do Queixo de Vilalba, na de Artesanía do Ferro en Riotorto, na da Augardente en Portomarín, na das Quenda en Mondoñedo, no San Isidro Labrador en Sarria e Paradela, na da Empanada e Produtos dos Ancares nas Nogais, así como noutras citas mensuais da Pobra de San Xiao en Láncara, de Castroverde, de Guntín, de Burela e de Meira.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
