A REFORMULACIÓN DO SISTEMA DE COTAS PESQUEIRAS
Desde a integración na UE o sector pesqueiro español réxese pola Política Pesqueira Común (PPC).
A actual Política Pesqueira Común foi aprobada por España en 2003 con Arias Cañete (PP) de Ministro
A UE distribúe as posibilidades de pesca nos seus caladoiros polo sistema de tacs e cotas aos países membros e para as diferentes especies; este reparto faise a finais de cada ano.
A UE está revisando a PPC e preténdeo facer en profundidade. A negociación está aberta e os acordos deben materializarse ao longo deste ano para que a reforma poida entrar en vigor no 2013. Trátase, fundamentalmente, de defender a sostibilidade biolóxica compatibilizándoa coa sostibilidade socioeconómica das poboacións fortemente dependentes da pesca.
Unha das características da Política Pesqueira Común (PPC) durante os últimos vinte anos foi a estabilidade das cotas asignadas aos distintos países no reparto das capturas admisibles. Esta cualidade é coñecida como Principio de Estabilidade Relativa (PER). “As posibilidades de pesca distribuiranse entre os Estados Membros de modo tal que se poida garantir a cada un deles a estabilidade relativa das actividades pesqueiras para cada poboación ou pesquería”. A aplicación deste principio como base da PPC tivo por obxecto o mantemento das actividades tradicionais da pesca en cada país, tratando de respectar as necesidades específicas das rexións particularmente dependentes do sector pesqueiro. En termos xerais, a Comunidade defende que o sistema de cotas sexa garante para cada Estado Membro e os seus dereitos históricos de pesca.
En torno a este tema, coas consecuencias que deriven para tacs e cotas, vedas, descartes, plans de recuperación, rendibilidade das flotas, loita contra a pesca ilegal, etc., van xirar as negociacións nas que España, como primeira potencia, debe ter algo que dicir.
Hai tempo que se pretende que a reforma do PER sexa adaptalo á realidade actual. Neste sentido hai un traballo publicado por Xosé María Da Rocha (Universidade de Vigo) e María Xosé Gutiérrez (Universidade do Pais Vasco) titulado La reforma del Principio de Estabilidade Relativa en la PPC. El caso del Caladero Norte de merluza. Neste traballo, pretenden analizar como variaría a situación do caladoiro no caso de que o PER non fora o principio sobre o que se fixan as cotas de reparto de pesca, e desenvolven un modelo de regulación das pesquerías no que os beneficiarios de cada país poidan ser valorados de maneira distinta. Este modelo, defende os intereses da flota galega na que se inclúe a de Burela.
O grupo municipal do PSdeG-PSOE de Burela sempre estivo, está e estará ao lado e na defensa do sector pesqueiro tanto de Burela como de Galicia. Este ano xogámonos moito nas negociacións da PPC e queremos o mellor para o sector xa que se este gaña, gañamos todos. Como é natural, nosoutros estamos a favor da revisión e modificación do principio de estabilidade para adaptalo ás necesidades da nosa flota.
Outra cousa é o que di o señor Barcia na súa valoración sobre unha moción que presentaron no pleno do 26 de xaneiro sobre a reformulación do PER.
Pedían nesa moción: apoiar á Xunta de Galicia na súa intención de elaborar un estudo xurídico e socioeconómico en relación coa incidencia no conxunto da flota pesqueira galega do mantemento da estabilidade relativa.
Esta é unha moción oficial do PP que se presenta sistematicamente en todos os concellos e deputacións e á que só se lle nota motivación propagandística para quedar ben co sector.
Como se pode levar a un concello ou deputación unha moción onde se pide apoiar unha intención de elaborar algo?. Se ten intención de elaborar, que elabore xa, que ademais é o seu deber. Outra cousa é o resultado dese estudo, que é sen dúbida o que podemos, ou non, apoiar.
Fiel ao seu estilo de tratar de confundir á opinión pública, o señor Barcia lanza a mensaxe de que se non votamos (a favor) a súa moción entón, e poñéndonos de costas, non apoiamos os intereses do sector pesqueiro de Burela. Hai que ser moi irresponsable para ter o valor de relacionar o resultado da súa moción co apoio do noso grupo ao sector pesqueiro e moi inocente para considerar a moción como vinculante para a mellora do sector.
Nosoutros en Burela abstivémonos na votación da moción, entre outras razóns, porque dita moción nos foi entregada uns segundos antes de entrar no pleno, o que demostra que o grupo popular recibira a moción pouco tempo antes. Que non confunda o señor Barcia aos veciños de Burela. Nosoutros apoiamos o sector pesqueiro, o que non apoiamos é o seu oportunismo político e falta de seriedade na entrega de documentos.
A revisión da PPC está en marcha. Agardamos, con toda sinceridade, que os responsables das negociacións acaden unha solución que dea estabilidade e crecemento ao sector pesqueiro.
Alfredo Llano García
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
