CERVO DESPILFARRA NA ASESORA
Hoxe que está tan de actualidade falar de como poden facer as administracións públicas para aforrar parte dos seus gastos sen reducir os servizos que prestan aos cidadáns, ata o punto de que se fala incluso de unir concellos como Alfoz e Valadouro, non deixo de pensar no incomprensible que supón que un concello como Cervo, con menos de 4000 habitantes, non só teña o luxo de contar con todos os seus concelleiros delegados cobrando da Facenda municipal senón que ademais o señor Alcalde dispón dunha asesora.
Din que o seu nomeamento busca aproveitar a experiencia da asesora nos ámbitos da comunicación e servizos sociais, pero es vox populi que as verdadeiras intencións son outras: Villares buscaba premiar a unha persoa desgastada tras moitos anos de goberno e á que non podía facer concelleira de novo, sen botarse ao pobo enriba. Ao final, non é concelleira pero como asesora segue mandando, e vai se manda. Din as malas linguas que por riba das novas incorporacións, de nulo perfil político. Pode que fora eso o que buscaba o señor Alcalde, pouco amigo de que poidan levarlle a contraria ou lle fagan sombra nesa carreira de “veremos quen sae antes na foto” que se trae coa socialista opositora Lara Méndez.
Os veciños de Cervo, podemos comprender que o Goberno municipal afectado no combate a crise estea a despedir ou non renovar contratos a diario, que decida cobrarnos polo uso das instalacións deportivas, escolas, ou incluso cada vez que rexistramos un documento. Podemos entender que a programación de cultura teña desaparecido e que, en deportes non dispoñamos de ningún evento relevante desde o mes de xuño… pero sería moito máis doado crer as promesas de austeridade e a necesidade de axustes se non malgastaran os cartos dos nosos impostos en contratar a unha asesora porque non tivo a valentía de facela concelleira.
O gasto ter unha asesora -que cobra máis que calquera concelleiro- é inxustificable, totalmente prescindible e ata indecente, desde o punto de vista ético. Os cartos dos cervenses non están para arranxar a xubilación de ninguén, nin para gastalos en servizos prescindibles. Alfonso Villares ten que rectificar e facelo de inmediato. Porque os veciños non o eliximos para este tipo de cousas, nin poderemos crerlle cando critica á Deputación, cando desde alí gastan cartos a costa de darlle un soldo aos membros da oposición de Cervo. Asesores no noso concello sobran, o que fai falla é maior capacidade política e Villares, decepción para moitos, non o está a demostrar. ¡Ai se sabe destas cousas Feijóo!
Rafa, Veciño de San Ciprián
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
