Nota de prensa:
O PXOM DE RIBADEO SOMETERÁSE A UNHA NOVA EXPOSICIÓN PÚBLICA EN BREVE, SEGUNDO O ALCALDE, FERNANDO SUÁREZ. HOXE REUNÍUSE A COMISIÓN INFORMATIVA DE URBANISMO PARA SEGUIR AFONDANDO NA SÚA ELABORACIÓN DESPOIS DE RECIBÍRENSE OS INFORMES DE PATRIMONIO E DE MEDIO AMBIENTE.
Ribadeo, 8 de febreiro de 2012. O PXOM de Ribadeo, en fase de elaboración, someteráse en breve de novo a exposición pública, segundo anunciaba este mediodía o alcalde, Fernando Suárez. Hoxe reuníuse a comisión informativa de urbanismo para seguir afondando na súa redacción agora que se recibiron os informes de Patrimonio e de Medio Ambiente.
Suárez Barcia explicou que “nesta mañá de hoxe vimos de manter unha xuntanza os portavoces dos diferentes grupos da Corporación Municipal nesta comisión informativa de urbanismo xunto cos técnicos municipais e cos da empresa redactora do PXOM para seguir avanzando, e xa me atrevo casi a dicir que chegando casi aos momentos últimos antes desta nova exposición pública que deberá ser nun corto prazo de tempo”.
Suárez Barcia sinalou que “unha vez que xa temos aquí os informes tanto de Patrimonio da Xunta como de Medio Ambiente, éste último referente ao plan de ordenación do litoral, que tamén son de obrigado cumprimento e incorporación no documento do PXOM, é agora cando os grupos poden ver nos vindeiros días xunto cos técnicos municipais o grao de concreción que ten todo este documento. Así poderán, si o teñen a ben, presentar as aportacións que consideren necesarias, e aínda que no pleno cada un ten o peso que ten e o goberno municipal dispón de maioría absoluta, sempre dixen e manteño que o documento do plan debe ser aprobado por unanimidade ou cando menos pola maior sintonía posible entre todos os grupos da Corporación”. E engadiu que “parécenos que todos son importantes á hora de facer as súas aportacións e sempre que se cumpran as determinacións legais e sempre que o interés público prevaleza por enriba de calquera outro todas as aportacións dos grupos serán benvidas”.
O alcalde ribadense dixo que “nos vindeiros días os grupos poderán ter acceso a toda esta información moito máis detallada. E si todo vai ben dentro de pouco tempo teríamos que sometelo novamente exposición pública para garantir toda a seguridade xurídica que un PXOM debe ter para que poida ser duradeiro e útil para todos os veciños e veciñas deste concello”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
