Ignorancia temeraria
Que un cargo político do Goberno provincial faga un intento desesperado por defender que, segundo a Deputación, é preferible tirar o peixe ao lixo, ou devolvelo morto ao mar, antes que aproveitalo -cando está en perfectas condicións- para a súa distribución nos comedores sociais e cociñas económicas da nosa provincia, parece un reto moi complicado, propio da cegueira ideolóxica de quen é incapaz de criticar os erros nos que incorre o seu propio partido. Pero que ademais o faga unha persoa que tivo responsabilidades como Delegado territorial da Consellería de Pesca durante o bipartito, Jose Ramón Val, e empregue argumentos falsos ou que amosan un total descoñecemento do proceso de distribución do peixe e marisco requisado e dos descartes é moito máis grave.
Ben é certo que o actual deputado provincial non foi quen defendeu este asunto no último pleno da Deputación, nin este nin ningún outro relacionado coa pesca. Moi probablemente porque é consciente de que se emprega argumentos tan absurdos como este, e impropios de alguén que tivo a súa responsabilidade, acabarían por sacarlle as cores.
De ter aproveitado o seu contacto coas xentes do mar sabería, por exemplo, que o peixe e marisco incautado en casos de furtivismo tan só é distribuído polos concellos do litoral mentres que, boa parte do comisado nos restaurantes do interior da provincia se destrúe, ante a imposibilidade de trazar a súa procedencia, (poden ser alimentos contaminados, non aptos para o consumo). Sabería que o 90% do peixe e marisco que forma parte dos descartes, non o é por problemas de talla ou veda, senón porque o barco en cuestión xa superou o seu límite de capturas desa especie e ten que devolvelo ao mar, cando podería ser aproveitado. Sabería, finalmente, que a propia Unión Europea busca alternativas aos descartes e que unha destas pode ser empregar este peixe por institucións benéficas que era o que, precisamente nós estábamos a pedir que se estudara. Parece mentira que alguén que xestionou os intereses das xentes do mar descoñeza que este é un dos principais postulados obxecto de debate ante a inminente reforma da Política Pesqueira Común.
Non hai escusa que valga. A Deputación non quere axudar porque non ten vontade. Porque nunca podería sumarse a algo positivo mentres proveña do PP. Cando ademais non é tan difícil cambiar os luxosos coches oficiais dos membros do Goberno provincial, como fixo a Xunta, por furgonetas ou outro tipo de transportes isotermos capaces de sumarse e colaborar na distribución destes alimentos.
Desde o PP seguimos defendendo que toda a axuda é poucas para ás entidades benéficas que se están encargado de proporcionar algo tan sinxelo como un prato de comida para quen nin iso ten. E que unha fórmula moi positiva para logralo é aproveitar un peixe en boas condicións que, noutras circunstancias se tira ao lixo e que ademais non supón custe algún, salvo o derivado do transporte do produto que asumirían as propias administracións. Que a Deputación non queira sumarse nesta axuda só amosa a súa falta de sensibilidade e pouca humanidade. Que ademais pretenda negarse en base a argumentos absolutamente falsos demostra que os que hoxe gobernan en Lugo actúan con ignorancia temeraria.
Elena Candia López
Voceira do PP na Deputación de Lugo
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
