Nota de prensa
FERNANDO SUÁREZ AVOGA POLO TRABALLO EN CONXUNTO E VENDO O TURISMO DE RIBADEO COMA
UNHA EMPRESA ÚNICA. O VINDEIRO MÉRCORES HABERÁ UNHA NOVA XUNTANZA PARA SEGUIR AFONDANDO NO PROXECTO RIBADEO DE EVENTOS.
Ribadeo, 8 de marzo de 2012. O alcalde, Fernando Suárez, avoga polo traballo en conxunto e vendo o turismo de Ribadeo coma unha empresa única. O rexedor fixo un balance positivo dos encontros sectoriais celebrados onte e anuncia unha nova xornada de traballo para o 14 de marzo co obxectivo de seguir afondando no proxecto Ribadeo de eventos.
Suárez Barcia amosóuse satisfeito “por ver como na tarde de onte 30 establecementos acudiron a estas tres mesas sectoriais da iniciativa Ribadeo de eventos, entre restauración, empresas de ocio e hoteis, hostais… Alí acudiron ao lavadoiro dos fornos. Nós, xunto con esta xente que nos está a asesorar, queremos facer de Ribadeo un lugar atractivo de turismo, de eventos, de congresos, de reunións, etc, non só na época estival senón durante todo o ano. Hai unha expectativa positiva de moita desta xente e agora xa se empezou a traballar para configurar un paquete turístico”.
O alcalde ribadense pensa que “estas xuntanzas serven tamén para empezar a cambiar os modos de actuar desde a individualidade a un traballo máis de conxunto e en rede, vendo o turismo de Ribadeo coma unha empresa única. Ribadeo é algo máis que unha suma de empresas deste tipo, Ribadeo é cultura, Ribadeo é historia, Ribadeo é enclave, é paisaxe, é ría de Ribadeo, é unha serie de condicións que o fan atractivo para que algunha empresa mediana que organice congresos ou eventos, e que queira darlles aos seus traballadores uns bonos de fin de semana para que poidan durmir, xantar ou un lugar onde reunírense”. Fernando Suárez engadiu que “o Concello quere poñer no marco deste programa as súas infraestructuras ben sexa o auditorio, o local de reunións das asociacións ou o forte de San Damián para que se poidan utilizar e que redunde en que máis xente veña a Ribadeo, coma en Ribadeo, durma en Ribadeo e que disfrute de Ribadeo. Queremos así velar por estes sectores comerciais tan importantes que temos na nosa vila”.
O rexedor dixo que “xa quedamos para unha nova xuntanza o mércores que ven, coa intención de que asisten non só os que xa estiveron, senón que está aberta a todos os demáis, axencias de viaxes, hoteis e restaurantes que non puideron vir, para ir traballando nestas mesas microsectoriais e ir configurando entre todos a oferta adaptada aos recursos e aos axentes que temos neste territorio de Ribadeo”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
