A CONCELLARÍA DE IGUALDADE FAI UN BALANCE POSITIVO DAS QUINTAS XORNADAS FORMATIVAS SOBRE VIOLENCIA DE XÉNERO QUE SE CELEBRARON A PASADA FIN DE SEMANA EN RIBADEO. A MAIORÍA DOS/AS ASISTENTES PERTENCEN AOS ÁMBITOS SANITARIO E EDUCATIVO.
Ribadeo, 24 de abril de 2012. A Concellaría de Igualdade e o CIM fan unha valoración positiva das quintas xornadas formativas de abordaxe integral da violencia de xénero no ámbito local, que se celebrou os días 20 e 21 de abril e que este ano tiveron como obxecto central de debate e reflexión a violencia simbólica.
Medio centenar de profesionais participaron ao longo da pasada fin de semana nas xornadas. O 37% pertencían ao ámbito sanitario, o 31% ao ámbito educativo, o 16% ao ámbito da psicoloxía, pedagoxia, socioloxía…, ao ámbito xurídico un 10% e un 1% respectivamente ao ámbito dos corpos policiais, do persoal dos medios de comunicación e do estudantado.
Desde o CIM explican que “nestas xornadas falamos desas violencias invisibles que tamén son violencia de xénero. Francisca Fernández, profesora de Dereito do Traballo e da Seguridade Social, disertou sobre o acoso sexual e o acoso por razón de xénero como dúas formas de violencia de xénero. Unha violencia multidimensional e a veces difícil de visibilizar e de percibir incluso nas persoas que a sofren. Exemplificaba cómo o mero feito de ter que estar nun local de traballo e a presenza de carteis pornográficos, pode ser un caso de acoso sexual para a traballadora que ten que convivir con ese tipo de ilustracións que lle incomodan e que ela non pegou. Esta profesora tamén falou cómo existía gran número de casos de acoso sexual non só realizados polo xefe ou superior xerárquico, senón polos propios compañeiros e inclusive polos subordinados”. E engaden que “o venres rematamos a xornada con Carlos Lomas, catedrático de lingua e literatura, ensaista e investigador, que nos falou das novas masculinidades alternativas ao modelo tradicional e patriarcal e do efecto nocivo da publicidade en canto aos roles e estereotipos utilizados. Unha muller cambiante que logra acceder ao mundo laboral, que pode ter ou non aficcións tradicionalmente masculinas rachando cos roles asinados ás mulleres tradicionalmente fronte a uns homes que non consiguen cambiar e mudar o seu modelo de masculinidade. Nin vítimas nin verdugos outra sociedade é posible, así titulou Lomas a súa ponencia”.
No resumo das xornadas sobre abordaxe integral da violencia de xénero desde o CIM indican que “o sábado comenzamos coa filóloga e profesora na Universidade da Coruña, Goretti Sanmartin. Ela subliñou na súa exposición cómo existía un símil claro entra a falta de vontade do uso do galego e o uso dunha linguaxe non sexista. Sanmartin tamén recalcou cómo a cuestión tan utilizada nos últimos tempos respecto á liberdade individual no uso dos idiomas non é máis que comodidade por parte das persoas que se negan e resisten a cambiar ou a modificar os seus comportamentos, neste caso empregando un uso correcto da linguaxe, inclusivo, onde as mulleres e os homes aparezan en igualdade de condicións. E despois, Ianire Estebanez, unha psicológa especilizada na mocidade e ciberactivista, comentou os usos que fan os mozos das redes sociais e dos perigos que supoñen, tanto polo risco de sufrir acoso sexual como polo control que exercen as parellas sobre os contidos publicados. Xa pola tarde Manuel Lopo falounos dos riscos para a saúde que ten ser muller maltratada. Rosa Cobo por motivos persoais de última hora non puido estar con nós, pero quédanos pendente outra cita con ela para poder escoitar as súas sempre interesantes e lúcidas opinión”.
As quintas xornadas formativas organizadas polo Concello de Ribadeo remataron coa proxección da curta galardoada na III edición do concurso de guións cinematográficos, Os tempos cambian, e as persoas tamén.
Desde a Concellaría de Igualdade e desde o CIM dan as grazas a todas as persoas que asistiron a estas xornadas e ás relatoras e relatores “por compartir con nós as vosas experiencias e coñecementos”.
Remitido
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
