GONZÁLEZ BARCIA VEN DE SOLICITARLLE POR SEGUNDA VEZ NESTE MES AO PRESIDENTE DA DEPUTACIÓN O ARRANXO DA ESTRADA PROVINCIAL SAN CIBRAO-BURELA Á ALTURA DA PRAIA DE A MAROSA. ESE TREITO ESTÁ CHEO DE BACHES QUE REPRESENTAN UN PERIGO PARA OS VEHÍCULOS QUE TRANSITAN A DIARIO POR ESE VIAL.
Burela, 25 de abril de 2012. O alcalde, José María González Barcia, ven de solicitarlle ao presidente da Deputación, José Ramón Gómez Besteiro, o arranxo inmediato da estrada provincial San Cibrao-Burela, á altura da praia de A Marosa porque está chea de baches que representan un perigo para a circulación de vehículos pola zona. Ésta é a segunda vez neste mes de abril que o rexedor se dirixe á institución titular do vial en demanda de solucións.
González Barcia explicou que “hoxe desde o Concello de Burela enviámoslle un escrito ao presidente da Deputación de Lugo solicitándolle que de forma inmediata dea as instruccións oportunas para que se arranxen os baches, que están causando gravísimos problemas para a circulación de vehículos na estrada de titularidade provincial que vai de Burela a San Cibrao, á altura do campo de fútbol de A Marosa”. O rexedor lembrou que “desde hai unha temporada se están creando baches, que agora mesmo cruzan prácticamente toda a estrada, e esto está a xenerar moitos problemas nas rodas e na amortiguación dos coches, algo que está ocasionar que cheguen ao Concello numerosas queixas dos usuarios deste vial”.
O alcalde de Burela xa enviou hai uns quince días, o pasado 11 de abril, outro escrito á Deputación Provincial de Lugo acompañado dunha ampla reportaxe fotográfica feita en marzo “para que o presidente coñecese de primeira man cal é situación que presenta a estrada Burela-San Cibrao. Non houbo ningún tipo de resposta e entendo que a misión do Concello de Burela é defender os intereses do conxunto dos cidadáns, que son usuarios dun vial que ten un alto volumen de tráfico por cuestións obvias. A xente que vai a San Cibrao e a Alcoa emprega esta vía e non a carretera nacional”. O rexedor agarda e confía que “o presidente da Deputación de Lugo faga caso ao escrito que hoxe lle enviamos e que adopte as medidas oportunas para que estes baches se eliminen canto antes”.
José María González Barcia indica que “aínda que os baches están sinalizados atópanse nunha zona curva, algo que aumenta a perigosidade que xa de por sí teñen. Non creo que sexa tan difícil solucionar este problema porque a Deputación ten en vigor un contrato de mantemento e conservación da rede viaria provincial e polo tanto está dentro das súas obrigas manter en condicións de uso correctas as estradas provinciais, e unha das que máis tráfico soporta é a que vai de Burela a San Cibrao. Reitero esa confianza no presidente da Deputación de Lugo e espero e confío en que solucione esto canto antes e que os problemas que se están a causar aos usuarios desaparezan”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
