O PP de Mondoñedo pídelle a Orlando González que faga uso das competencias locais para dinamizar o concello e non para afogar aos veciños
• Tendo en conta o caracter turístico de Mondoñedo e da súa Semana Santa, O PP critica que o alcalde non aproveite esta oportunidade activadora de Mondoñedo
• O PP local traballa para aunar os esforzos de todas as administracións coa fin de materializar un plan de dinamización para Mondoñedo
Mondoñedo, 12 de abril de 2012- O Partido Popular de Mondoñedo pídelle ao rexedor local, Orlando González Cruz, que faga un uso produtivo das competencias que lle corresponden ao ente local. Así, a portavoz local, Elena Candia, solicítalle a Orlando González que as actuacións do organismo municipal procuren a dinamización do concello e non o afogo dos veciños.
Segundo explica Candia, as políticas emprendidas polo goberno mindonienses lonxe de explotar os recursos cos que conta a cidade para reactivar a súa economía, caracterízanse pola deixadez, o pasotismo e unha actitude que non busca o consenso. Un claro exemplo queda reflectido na falta de defensa dos recursos e atractivos turísticos de Mondoñedo. Segundo explica Elena Candia, o rexedor local non aproveita a Semana Santa de Mondoñedo como unha oportunidade activadora dunha localidade caracterizada polo seu alto valor cultural e relixioso.
A portavoz local exemplifica que a falta de implicación en temas turísticos queda patente na pouca representación institucional na procesións de Semana Santa, que segundo Candia, a marxe de razón relixiosas, “calquera rexedor local debe defender todos os recursos e atractivos turísticos, sendo a Semana Santa un deles”. Dada a tradición relixiosa e cultural de Mondoñedo, a Semana Santa da localidade tería un valor turístico que ben proxectado poderíase incluso chegar a equiparar a de Viveiro ou a de Ferrol. Candia recorda que o rexedor local desaténdese de eventos dinamizadores para Mondoñedo, tal e como acontecera no seu momento coa organización da feira das San Lucas.
Porén, o grupo municipal do Partido Popular de Mondoñedo quere aproveitar a ocasión para felicitar e agradecer o traballo desinteresado de todos os que colaboran na organización deste evento mindoniense.
En resumo, para Candia a falta de proxecto, pero sobre todo de ganas de traballar, a pesar de contar con dúas dedicacións exclusivas, queda patente nos reiteirados erros de xestión.
En contra diso o grupo popular procura a unión do esforzo das distintas administracións e materializar un plan dinamizador para a cidade de Mondoñedo, cumprindo así co compromiso adquirido a raíz do peche da filial de Finsa, Ecar, na localidade de Mondoñedo. Nesta mesma liña de traballo, representantes da Consellería de Industria participarán mañá nunha xuntanza, ás 12:00 no concello de Mondoñedo, á raíz do compromiso asumido na mesa de traballo.
ACLARACIÓN NOTA DE PRENSA ENVIADA ONTE EN RELACIÓN AO ESTACIONAMENTO NA CIDADE DE MONDOÑEDO
O PP local proporá unha alternativa para solucionar os problemas de estacionamento e evitar a política sancionadora emprendida no entorno do PAC. Para elo dende o grupo popular pedirán que se habilite unha zona da alameda dos remedios para o estacionamento dos pacientes que acudan ao centro médico. Esta proposta buscar solucionar os problemas que xorden en torno ao centro médico, pero non se trata dunha alternativa para a prohibición de estacionamento no entorno da Fonte Vella.
PARTIDO POPULAR
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
