O PSOE de Cervo lamentan a actitude do PP ante a iniciativa socialista de defender unha reducción dos custes de electricidade de Alcoa
OS SOCIALISTAS AFIRMAN QUE BALSEIRO NON FOI O PROMOTOR DA INICIATIVA EN DEFENSA DA REDUCCIÓN DA TARIFA ELÉCTRICA PARA EMPRESAS COMO ALCOA
-O GMS subliña que o realmente importante é que “se lle dé resposta a este problema, que se negocie o custe da electricidade porque se non, pode ter efectos moi negativos no municipio e en toda a comarca”
-Por outra banda, esixen que “a Xunta cumpla co seu compromiso e que faga o posible para que o Goberno Central teña en conta esta necesidade tal e como xa fixera o anterior goberno socialista”
CERVO, 13 DE ABRIL. Os membros do Grupo Municipal Socialista de Cervo lamentan a actitude do deputado e concelleiro popular, José Manuel Balseiro, ante a iniciativa socialista de defender unha reducción dos custes de electricidade de Alcoa para garantir a súa competitividade. “É vergoñento ter que ler nalgúns medios que o señor Balseiro foi o promotor desta proposta cando non tivo nada que ver”.
Aseguran que “o que máis nos preocupa é que se chegue a un acordo para o contrato da tarifa eléctrica entre Alcoa e o Estado, xa que disto depende a viabilidade da empresa e o emprego de moitos traballadores. Sen embargo, parece que o popular, José Manuel Balseiro, está máis preocupado co tema de darse valor ou colgarse medallas. E minte a tódolos veciños sen reparo ningún, pois a moción foi levada adiante polos compañeiros do Grupo Parlamentario Socialista”.
Os socialistas de Cervo insisten na importancia da aprobación desta proposta para facer posible a viabilidade de empresas como Alcoa, “pois dela resultan moitos postos de traballo no noso concello e, en xeral, en toda a Mariña”.
Asimesmo, agardan que “a Xunta de Galicia cumpla co seu compromiso para que o Goberno do Estado teña presente esta necesidade xa que destes prezos depende en boa parte a competitividade da factoría e a súa viabilidade. Que se considere a importancia de firmar un convenio como ó que no seu día firmou o expresidente socialista, José Luis Rodriguez Zapatero, convenio que está vixente ata o 31 de decembro deste ano e que fixo posible o correcto desenvolvemento dos plans estratéxicos desta empresa”.
Remitido
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
