A Deputación de Granada considera modélica a plataforma de comercio on line de Lugo e estuda implantala na súa provincia
– Técnicos da Deputación granadina visitaron a institución luguesa para coñecer de primeira man o potencial que ofrece a primeira plataforma provincial de comercio electrónico
– A delegación andaluza tamén visitou algunha das firmas de www.losproductosdelugo.com para escoitar as positivas valoracións que estas empresas fan da súa adhesión á plataforma
– Esta iniciativa de venda na Rede contribúe decisivamente ó desenvolvemento da economía lucense, abrindo novos mercados ás empresas, mantendo empregos e fixando poboación no rural
Unha delegación procedente da Deputación de Granada e formada por Vicente Muñoz Saldaña, Xefe do Servizo de Promoción Económica e Ignacio Rosales Zabal, técnico da Área de Promoción Económica, achegouse ata a institución luguesa para coñecer de primeira man o funcionamento e as posibilidades que ofrece a primeira plataforma de comercio electrónico da provincia, www.losproductosdelugo.com, coa idea de implantar un proxecto que consideraron “modélico” na súa provincia.
A Deputación de Lugo puxo en marcha este proxecto como parte dun plan de medidas que contribúen de forma efectiva á vertebración do tecido produtivo e das empresas que carecen de medios para comercializar os seus produtos a través da rede, especialmente as situadas nas Reservas da Biosfera lucenses de Terras do Miño e Ancares. Esta iniciativa conta co apoio do Ministerio de Medio Ambiente, que financia ó 66% os proxectos de potenciación destes territorios protexidos. A Deputación de Granada atópase nun proceso de análise co fin de adoptar medidas que potencien, tal e como é o caso das que hai tempo ven aplicando a Deputación de Lugo, o desenvolvemento e impulso económico da provincia.
A delegación granadina concentrou o seu análise na plataforma propiamente dita, profundizando non só na funcionalidade da mesma, senón tamén no contexto no que naceu esta plataforma; amosaron o seu interese polo proxecto Innov@TE, financiado ó 70% por Fondos Europeos de Desenvolvemento Rexional e grazas ó cal se desenvolve esta iniciativa e quixeron coñecer en primeira persoa a algún dos produtores da provincia que xa se sumaron a Los productos de Lugo, para que eles mesmos lles relaten os beneficios aportados ós seus negocios pola plataforma.
Os técnicos granadinos estiveron a primeira hora da mañá nas oficinas do Departamento de Novas Tecnoloxías do Pazo de San Marcos, onde foron recibidos polo seu Director, Pablo Rivera Capón, quen lles ofreceu unha ampla información de carácter técnico sobre o funcionamento e a estratexia que soporta esta web. É destacable o feito de que a Deputación de Granada puxera a súa ollada nesta plataforma, xa que as súas características poden ser exportables a dita provincia:
– o seu carácter integrador co tecido produtivo local, ó ser un único puntos de acceso para a oferta de produtos autóctonos para aquelas empresas que non abordaran xa ou ben teñan dificultades para a comercialización da sús produción a través de Internet.
– O papel da plataforma como elemento potenciador e dinamizador dos produtos autóctonos da provincia.
– A proxección que a plataforma outorga as empresas lucenses, ó darlles unha maior visibilidade
– A facilidade que supón para as empresas o proceso de adhesión.
A axenda completouse con visitas a algún dos produtores sumados a esta iniciativa para escoitar en primeira persoa as positivas valoracións que estes fan da repercusión que para os seus negocios tivo a súa adhesión ó comercio on line. Tal é o caso de “Jamones González”, firma adicada a elaboración de produtos cárnicos derivados do porco, radicada no Corgo. Alí, os seus responsables relataron como, tras sumarse á iniciativa posta en marcha polo organismo provincial lucense, recibiron un milleiro de visitas a través da web, converténdose nunha das firmas que máis pedidos cubre.
A outra parada foi en “Tiempo y Paciencia”, empresa situada no Concello de Becerreá que relatou ós técnicos granadinos como, grazas a www.losproductosdelugo.com, os licores que elabora ampliaron os horizontes da súa promoción e distribución, chegando ata recunchos da xeografía española, coma Madrid ou Málaga, subministrando a prestixiosos restaurantes de toda España.
A primeira plataforma de comercio on line da provincia
A Deputación de Lugo abriu novos mercados nacionais e internacionais ás pequenas e medianas empresas da provincia grazas á plataforma de comercio electrónico www.losproductosdelugo.com, que o organismo provincial puxo en marcha con fondos europeos. Este primeiro centro comercial virtual de Lugo conta, un ano despois da súa posta en marcha, cunha variada oferta de produtos e servizos dos sectores agroalimentario, hostaleiro, artesán, téxtil, óptica e ocio, aínda que a capacidade de firmas é ilimitada.
Con esta iniciativa, a institución luguesa contribúe por medio das novas tecnoloxías ó desenvolvemento económico de Lugo e á promoción das empresas, abríndolles unha nova canle de venda dos seus produtos e servizos, o que axuda ó incremento do volume de beneficios, da competitividade e o mantemento de postos de traballo. As firmas teñen deste modo un espazo para anunciarse, vender e distribuír os seus produtos as 24 horas do día os 365 días do ano. Ofrece ademais por vez primeira unha imaxe de marca dos produtos de Lugo de cara ó exterior, independientemente do proveedor que os ofreza.
Na plataforma figura unha completa información sobre os produtos á venda- prezo, características e unha fotografía-, pero tamén das empresas proveedoras, pois se inclúe unha ficha de cada unha na que figura a súa páxina web, localización en Google Maps e oferta de todos os seus produtos. As empresas que conseguiron a marca Lugo Sabe, creada pola Deputación para poñer en valor os produtos autóctonos, contan cun acceso directo dentro da web, ó igual que a plataforma da Asociación de Mujeres Empresarias. Tamén hai un apartado específico cos produtos máis vendidos e outro de ofertas, xunto a unha sección con novas sobre a propia plataforma, así coma un blog.
Compra sinxela e rápida
Os usuarios poden acceder á plataforma a través de www.losproductosdelugo.com, onde atopan un catálogo de produtos de alimentación, artesanía, moda, servizos de ocio ou óptica, entre outros. O mecanismo para comprar é rápido e sinxelo: elexir o produto, incorporallo á cesta da compra pulsando sobre a imaxe do carriño e tramitar o pedido elixindo a forma de pago. As transaccións se realizan mediante unha conexión totalmente segura que garante a privacidade dos datos do comprador, o que ten a posibilidade de rexistrarse coma clientes, o que lles permitirá facer dun xeito máis sinxelo as dúas futuras adquisicións. Sin obriga de facer un pedido mínimo, o comprador consulta un único catálogo de produtos, realiza un único pago e recibe as súa compra nunha única entrega, algo totalmente innovador no mercado. O seu pedido é entregado nun mínimo de 48 horas no enderezo indicado, tendo ademais a posibilidade de coñecer en calquera momento a situación do pedido en curso.
Gran potencial de crecemento
En España, o 17,4% da poboación, é dicir, un de cada 5 cidadáns, merca a través da Rede, unha mostra do potencial do comercio electrónico, ó igual que o feito de que entre 2007 e 2010, a compra de produtos por internet subira en 4,4 puntos porcentuais, segundo un estudo da Escuela de Administración de Empresas (EAE), unha institución con máis de 50 anos de traxectoria que se adica á formación no ámbito empresarial. Un exemplo da repercusión que pode ter a venda on line na actividade dunha empresa é Bicicletas Guillermo, unha firma monfortina que factura o 70% das vendas a través deste sistema.
As empresas que desexen adherirse a www.losproductosdelugo.com poden facelo de xeito totalmente gratuíto, informándose sobre esta iniciativa ou facer a súa solicitude chamando ó 982-26-00-77 ou enviando un correo electrónico a ecomercioinnovate@deputacionlugo.org. A Deputación ofrece asesoramento persoanlizado e continuo ás firmas.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
