Alomenos 40 emprendedores lucenses crearán ou consolidarán o seu negocio grazas a un convenio da Deputación con MicroBank
– A Deputada de Economía destacou que esta nova iniciativa, que presentou xunto ó director Comercial da entidade financeira en España, Ramón Gatell, “fortalecerá o tecido empresarial e creará emprego na provincia”
– Por medio deste acordo, dun ano de duración, a Deputación prestará asesoramento ós solicitantes e MicroBank concederá un máximo de 25.000 euros por beneficiario
– García Porto explicou que o acordo da continuidade á intensa liña de axudas que a institución luguesa presta ás PEMES e autónomos dende 2008 a través do INLUDES, que suman 1,8 millóns e beneficiaron a máis de 1.400 organizacións
A Deputada de Economía, Recadación e Facenda, Pilar García Porto, e o Director Comercial en España de Microbank, Ramón Gatell Collel, asinaron este mércores o convenio mediante o cal o organismo provincial e a entidade financeira prestarán asistencia técnica e económica a emprendedores e pequenos empresarios da provincia para que creen ou consoliden os seus proxectos empresariais. O acordo, dun ano de duración, está dotado de 1 millón de euros, destinados ó financiamento dos proxectos que se presenten e sexan aprobados. Cada solicitante recibirá un máximo de 25.000 euros, polo que, “grazas á colaboración entre o sector público e privado, facilitaremos que alomenos 40 emprendedores e empresarios lucenses impulsen os seus negocios”, explicou García Porto.
A Deputada destacou que esta iniciativa “social e económica”, que enmarcou na aposta do organismo provincial polo crecemento, “fortalece o tecido empresarial lucense e crea emprego”, dando ademais continuidade “á intensa liña de actuacións que desenvolvemos neste campo a través do INLUDES dende o ano 2008”. A Deputada lembrou neste senso que nos últimos catro anos concedéronse 1,8 millóns de euros de axudas para consolidar a actividade das empresas da provincia, das que se beneficiaron máis de 1.400 firmas, autónomos e asociacións profesionais.
O novo convenio responde, sinalou Pilar García Porto, “ás necesidades reais dos emprendedores e pequenos empresarios”, pois “o maior tropezo co que recoñecen atoparse á hora de montar os negocios é dispoñer de financiamento e ó redor dun 60% das novas empresas creadas fracasan ós dous anos e medio por problemas económicos”, segundo informes do observatorio de referencia a nivel mundial sobre actividade emprendedora, o GEM (Global Entrepreneurship Monitor), cuxos estudos en Galicia coordinan a Confederación de Empresarios de Galicia, BIC Galicia e a USC.
A demanda queda tamén constatada cos seguintes datos, que aportou a Deputada de Economía: “a taxa de actividade emprendedora en Galicia medrou nun punto o pasado ano, situándose en preto do 5% da poboación, sobre todo polo actual contexto de dificultade económica; en Lugo, o CEI-NODUS, dependente do Concello, duplicou as demandas de asesoramento recibidas nos últimos dous anos e, dende a súa posta en marcha no 2008, aumentou nun 63% o número de empresas creadas ó seu abeiro; e a Fundación CEL en Lugo aumentou un 60% a cantidade de iniciativas emprendedoras que recibiu no primeiro cuadrimestre deste ano con respecto ó mesmo período do pasado ano”.
Dende hoxe mesmo
As persoas interesadas en beneficiarse desta iniciativa poden dirixirse dende hoxe mesmo ó departamento de Novas Tecnoloxías da Deputación, chamado ó número de teléfono 982.26.00.77, onde lles darán toda a información sobre este convenio e os pasos que deben dar para beneficiarse del.
O papel da Deputación será encargarse de recibir as propostas, facilitar por medio dos seus técnicos o asesoramento necesario para o bo desenvolvemento da idea e elaborar un informe favorable de viabilidade. Pola súa banda, MicroBank, o banco social de La Caixa, abrirá unha liña de crédito para garantir a viabilidade económica do proxecto.
A Deputación decidiu dar luz verde a este convenio “porque é útil e necesario para a provincia, porque favorece a recuperación do emprego, contribuíndo a fixar poboación, pero tamén pola traxectoria de MicroBank neste campo”, sinalou García Porto. Lembrou neste senso que o Concello de Lugo “ten asinado un acordo das mesmas características con esta entidade financeira e a boa experiencia que está resultando, así como o interese que nos teñen demostrado dende diversos sectores, levounos a facer extensivo o convenio a toda a provincia. No pouco tempo que leva en marcha no Concello, hai xa 3 proxectos empresariais aprobados e en tramitación”.
Microbank, a única entidade dedicada ó financiamento de proxectos empresariais e de negocio a través de microcréditos, ten asinado convenios desta índole con 473 entidades de toda España. Calcula que cada microcrédito crea de media 1,5 postos de traballo.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
