OS CONCELLOS DE LUGO XA PERCIBEN OS ANTICIPOS DAS AXUDAS PARA SERVIZOS SOCIAIS, CINCO MESES ANTES QUE O ANO ANTERIOR
En total, a Xunta destina a estes adiantos no conxunto da provincia preto de 2,5 millóns de euros dos 12,4 millóns abonados en toda a comunidade
Os conceptos que se subvencionan con esta contía son principalmente o servizo de axuda no fogar (básico e de dependencia), así como os traballadores sociais e outro persoal técnico destes servizos
En anos anteriores, os concellos comezaban a cobrar estas axudas en torno ao mes de outubro, polo que esta axilización permite ás entidades locais mellorar a súa situación financeira con respecto á prestación de servizos sociais
Este adianto prodúcese logo de que a Xunta puxera en marcha un novo decreto dos servizos sociais comunitarios para optimizar estas vías de financiamento, e para dar resposta tamén á demanda dos concellos
Lugo, 20 de maio de 2012.- Os 67 concellos da provincia de Lugo xa empezaron a recibir estes días os anticipos correspondentes ás axudas destinadas a financiar os servizos sociais comunitarios. Estes adiantos, que ascenden a preto de 2,5 millóns de euros (2.473.806,19 euros) para toda a provincia, supoñen que as entidades locais están a recibir parte do financiamento cinco meses antes que o ano anterior.
Os conceptos que se financian correspóndense a adiantos dos conceptos do servizo de axuda no fogar –SAF- (básico para os concellos de máis de 20.000 habitantes); á subvención para o mantemento dos traballadores sociais de todos os concellos, así como para o persoal técnico destes servizos nos concellos de máis de 20.000 habitantes. Ademais, tamén se executou o primeiro pago correspondente ao servizo de axuda no fogar de dependencia.
Para calcular os adiantos a percibir por cada concello, tívose en conta o financiamento recibido o ano anterior polos conceptos de SAF básico e por traballadores sociais e outro persoal técnico; mentres que para o SAF dependencia estimouse grazas a unha nova aplicación informática na que se coñece o número de usuarios durante o primeiro trimestre e as horas de atención prestadas.
Esta axilización de parte do financiamento, que no conxunto da comunidade supón o pago de 12,4 millóns de euros, prodúcese grazas ao novo decreto de servizos sociais comunitarios posto en marcha pola Xunta, no que se establecía o pago nos primeiros meses do ano por estes conceptos. O ano pasado, por exemplo, os concellos empezaron a recibir este financiamento no mes de outubro, o que supón que este exercicio percibirán as axudas con máis de 5 meses de antelación.
Grazas a estes adiantos, axúdase aos concellos na prestación dos servizos sociais, ao tempo que se aliviar a súa situación actual, tal e como comprometera a Xunta de Galicia, que dá resposta así tamén á demanda dos propios concellos.
A alcaldesa, Marta Rouco, e a concelleira Paula Vigo destacaron que esta iniciativa busca dinamizar os domingos de feira e dar visibilidade ao traballo artesán. As inscricións poden realizarse ata o 26 de abril, cubrindo o formulario dispoñible en vilalba.gal/novas e enviándoo a feiras@vilalba.es xunto coa documentación requirida. Para consultas, está dispoñible o teléfono 982 51 03 05.
A representación desenvolverase na praza do mosteiro, na igrexa e nos espazos exteriores habituais para escenas como o xuízo ante Pilatos, o horto e a crucifixión. Participarán a Garda Pretoriana de Lugo, a Percussio Praetoria e o grupo Galiclasic, nun evento recoñecido como Festa de Interese Turístico Rexional e no que colaboran arredor de cen persoas.
O Concello de Cervo convida a toda a veciñanza a participar no novo Guateque de Arruguiñas, unha proposta pensada para fomentar o encontro interxeracional, a convivencia e o lecer compartido. O evento celebrarase este martes, 31 de marzo, ás 19:30 horas, na Casa do Mar de San Cibrao. A xornada incluirá actuación musical, bingo e chocolate, actividades organizadas polo alumnado de 2º de Bacharelato en colaboración coa Oficina de Voluntariado Xuvenil e a Asociación de Xubilados Terramar. O Concello anima a participar e desfrutar dunha tarde especial de convivencia e diversión.
O luns 30 de marzo ás 18:00 horas darán comezo as visitas guiadas polo casco histórico de Viveiro, conducidas polo historiador Xesús Martínez e organizadas polo CCHV coa colaboración da Xunta de Cofradías da Semana Santa. Antes da primeira visita, ás 17:30 horas, realizarase unha breve presentación na Praza Maior, diante da porta do Concello. No acto participarán José Veiga, en representación da Xunta de Cofradías, Cristina Rodríguez, presidenta do CCHV, e o propio Xesús Martínez.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
