CANTANDO NO I.E.S. DE FOZ
A música, que é a arte de combinar os sons co fin de expresar emocións e sentimentos, ten as orixes na Natureza, pois ó principio era o ruído do vento silvando entre as canas de bambú. Despois, cando o home conquistou o fogo, aprendeo a avivalo soprando por unha cana oca. Tal vez a primeira frauta do mundo naceo así, por casualidade. O home prehistórico utilizaba tamén o corpo como instrumento musical, marcaba o ritmo golpeando o chan cos pés, batía palmas, sacudía colares e pulseras de ósos, de sementes e de cunchas, rodeándose de música para falar cos seus deuses, como aínda o fan, por exemplo, os indios xingú da selva amazónica.
Hoxe aceptase que a música naceo como canto; é decir, o descobremento musical da voz humana, expresión artística tan perfecta que permañeceo por longos séculos afastada de combinacións polifónicas e ata do acompañamento de outros instrumentos.
En Grecia elevouse á dignidade de Arte libre e ocupou lugar destacado na educación do espíritu, e os grandes filósofos e matemáticos dedicáronse á música como expoñente da vida humana.
A aparición de grandes xenios que durante séculos sublimaron a Arte musical; o labor de estudosos e o desarrollo tecnolóxico, propiciaron a dimensión que hoxe ten a música, que desbordou o seu mais sólido valor, o cultural, para incidir con vigor nas diversas facetas da humanidade: a economía, a política; en definitiva, en tódolos aspectos da sociedade.
O pasado mércores produciuse en Foz un feito gozoso: a presentación do coro do Instituto constitue un fito no panorama cultural do pobo, porque ás consideracións apuntadas, hai que engadir o que ten de singular, e mesmo de insólito, pois non coñecemos a existencia dun colectivo similar nalgún centro homólogo.
¿E qué ten que suceder para que tal aconteza? En principio que exista a persoa cos coñecementos precisos para levalo a bó porto, pero non exenta dun fondo amor á música, o desexo decidido de espallar nos demais ese mesmo aprecio e dende logo disposta a aceptar os traballos, renuncias e sacrificios que tal empresa implica. E naturalmente atopar no seu entorno o clima de camaradería, colaboración e de complicidade sen os que nada sería posible.
O cronista non pode eludir a pincelada histórica, e lembrar que na súa adolescencia (hai arredor de 60 anos), Foz contou cun magnífico coro estudiantil. O histórico Hermano Próspero, profesor do hoxe Colexio M. Otero, e Sor Constanza, do Colexio do Pilar, artellaran un coro mixto, aínda que daquela nos centros non se mesturaban os sexos. O coro chegou a cantar a misa de Perosi na catedral de Santiago, o que significaba todo un recoñecemento á calidade artística do mesmo.
¿Qué pasou para que dende aquela non volvera a agromar unha iniciativa semellante? Moi sinxelo: que Fernando Allén, o seu director, profesor no IES, tardou mais de cincoenta anos en aparecer pola nosa vila.
Nós rexistramos con ledicia nova tan positiva e mesmo ilusionante para unha sociedade coa sensibilidade precisa para apreciar os valores que transcenden o puramente material e que teñen moito que ver na formación integral das persoas.
Suso Fernández
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
