O BNG DE BARREIROS LEVARÁ AO PLENO DE MAÑÁ UNHA MOCIÓN NA QUE SOLICITA O MANTEMENTO DO SERVIZO DE AXUDA NO FOGAR POR PARTE DA XUNTA. OS NACIONALISTAS ASEGURAN QUE OS RECORTES DO PP TERÁN INCIDENCIA TANTO NOS USUARIOS COMO NOS TRABALLADORES.
Barreiros, 29 de maio de 2012. O BNG de Barreiros levará ao pleno previsto para mañá, 30 de maio, ás 19:30 horas unha moción na que solicita o mantemento do servizo de axuda no fogar por parte da Xunta.
A voceira dos nacionalistas barreirenses, Ana Ermida, explicou que “esta moción enmárcase dentro da campaña que está a realizar o BNG para solicitar o mantemento dos servizos sociais e sanitarios. Entendemos que a crise económica non é a causa pola que deban sofrir recortes as veciñas e os veciños de Barreiros, que xa pagan este servizo cos seus impostos”. Desde o BNG sinalan que “instamos a que o pleno da Corporación solicite da Xunta o mantemento dese servizo, ese gasto por parte da administración galega. A crise non pode xustificar os recortes nos servizos básicos para a cidadanía, sobre todo cando se está a ver que sí hai diñeiro para outro tipo de cuestións coma as bancas privadas, ás que non se dubida en ningún momento en darlles diñeiro público para salvalas”.
Ermida indica que “os gobernos e os poderes públicos teñen que garantir aos cidadáns que poidan acceder ao servizo de axuda no fogar e co novo decreto que sacou a Xunta o pasado 16 de marzo non se a garantir isto para os concellos de menos de 20.000 habitantes. O Concello de Barreiros verá recortado este servizo como consecuencia dos recortes da Xunta e pensamos que non é de recibo, sobre todo porque ademáis da incidencia que ten nos usuarios e nas usuarias do servizos de axuda no fogar tamén ten moita importancia no emprego que hai no noso concello, xa que hai moitas persoas que dependen deste traballo para o seu sustento e para o seu emprego”. O BNG solicítalle “á totalidade dos partidos que formar a Corporación de Barreiros que voten a favor desta moción para solicitarlle á Xunta que siga a manter a totalidade dos servizos sociais nos concellos e que siga contribuindo como o ten feito noutros anos para que os veciños e as veciñas de Barreiros poidan contar cun servizo de axuda no fogar óptimo”. Arredor de 60 maiores se benefician en Barreiros deste servizo no que traballan preto dunha veintena de persoas.
Charla
Ademáis dentro desta campaña que o BNG está a desenvolver sobre os recortes en Barreiros haberá un acto o vindeiro venres, 1 de xuño, ás 20:30 horas no centro sociocultural de San Cosme “no que falaremos dos recortes sociais e sanitarios que está a sofrir a poboación barreirense, como consecuencias dos recortes que están a realizar o goberno da Xunta e o goberno do Estado, ambos do PP”, dixo Ana Ermida. Desde o BNG “convidamos aos veciños e ás veciñas de Barreiros a acudir tanto ao pleno de mañá coma ao acto do vindeiro venres en San Cosme no que contaremos con Montse Porteiro, que é ATS e nos falará dos recortes da sanidade, e con Carlos Fernández, que é médico e tamén tocará este tema que coñece de primeira man”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
