Iván Marrube Rodríguez, con dni 34635922-s, en calidade de concelleiro na corporación municipal do concello de Alfoz, remitolle a seguinte queixa:
O conselleiro de presidencia e administracións públicas en diversos actos e comunicados públicos dende que comezou a actual lexislatura fai saber que van apoiar e favorecer as fusións de concellos e axudar os concellos que demanden axuda nese senso.
No pleno da corporación municipal de Alfoz, no mes de febreiro de 2012, se ten aprobado por unanimidade de todos os grupos a solicitude a Xunta de Galicia e Diputación Provincial de Lugo dun estudio de viabilidade socio-económico sobre a fusión dos concellos de Alfoz e Valadouro.
No pleno do concello de O Valadouro tamén se tomarón sendos acordos nese sentido.
Os citados acordos e solicitudes de estudios xa foron enviadas a Xunta e Diputación por parte dos concellos e estes confirmado a súa recepción.
O tema da fusión dos concellos de Alfoz e Valadouro xa se ten debatido no Parlamento Galego, con posterioridade a recibir os acordos e solicitudes de petición de estudio de viabilidade, no mencionado debate o Director xeral de administración local comunica que para nada está o corrente desas solicitudes.
Con bastante posterioridade os acordos tomados nas corporacións locais de Alfoz e O Valadouro o presidente da Xunta de Galicia, Alberto Nuñes Feijoo, anuncia a fusión dos concellos de Oza dos ríos e Cesuras.
Con posterioridade o mesmo Alfonso Rueda, conselleiro de presidencia, declara públicamente que se esta a realizar o estudio da fusión de Alfoz-Valadouro.
A realidade é que a día de hoxe a Diputación provincial de Lugo fixo público que non estaba a realizar o estudio de fusión, estudio solicitado dende os concellos, cando dende a diputación foi feito publico a súa total diposición de colaboración no proceso, ademais de ser organismo superior e competente no proceso, tal e como se especifica na lei de réxime local.
A Xunta de Galicia, principal organismo competente no proceso, tal e como fugura na lei de réxime local, tampouco está a relizar o estudio de viabilidade sobre a fusión dos concellos de Alfoz e O Valadouro, como declararon públicamente dende a dirección xeral de administración local fai tan só uns días, e contradecindo as declaracións do máximo dirixente da consellería Alfonso Rueda.
Como concelleiro na corporación municipal de Alfoz, remitolle a correspondente queixa sobre a total falta de responsabilidade e compromiso por parte dos dirixentes da Xunta de Galicia, ó conselleiro de presidencia Alfonso Rueda, e o director xeral de administración local e especialmente do presindente Alberto Nuñez Feijoo, xa que se dedicou a anunciar as fusións con tintes solamente propagandísticos, en concellos nos que as súas corporacións municipais non tomaran ningún acordo ó respecto e sen embargo empeñanse en ignorar, paralizar e mentir, sobre un proceso de fusión que xa empezou na comarca natural do Val do Ouro, concellos de Alfoz e Valadouro con acordos nas respectivas corporacións municipais.
Igualmente solicitamos se esixa premura e dilixencia nun tema de tan importante calado e importancia, e na solución de todos os expedientes relacionados co mesmo.
Así como se lle esixa o Presidente da Xunta, Conselleiro de Presidencia e Director xeral de administración local cumpran cos compromisos e promesas feitas públicas con tanta transcendencia, xa que no tema a tratar están faltando a súa responsabilidade e compromiso adquiridos cos cidadáns.
Igualmente requerimos se lle solicite a Xunata de Galicia un discurso e feitos claros sobre a fusión dos concellos de Alfoz e Valadouro e as actuacións que van acometer con respecto a mencionado proceso
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
