Está claro que cando se dín as verdades, doen. E se non hai razóns para xustificalas , se utiliza a mentira e a descalificación persoal para desmentilas, nun penoso intento de desvirtuamento da realidade. Dende o grupo municipal do PSdeG PSOE de Burela aclararemos as declaracións do alcalde de Burela e o faremos con educación e sen insultar a ninguén.
Empezamos polas dedicacións exclusivas do Concello, nas que o señor Alcalde só dí media verdade, que conleva a ocultación da outra media. Falaremos de importe bruto porque así foi como o aprobaron no pleno organizativo designado a tal efecto. Pasamos de dúas dedicacións exclusivas e unha parcial (no mandato PSOE-BNG), a tres exclusivas actuais(mandato do PP): González Barcia, 47.000€. Fernández Valle, 21.000€. E Diana Durán, 18.200€. A estas asignacións, lle hai que añadir as cotas sociais correspondentes que suman un importe de 14.359€. A suma destas cantidades nos leva a un importe total de 100.559€, que traducido á antiga moneda, como lle gusta decir ao alcalde, son 16.731.609 pesetas.
Logo, aparte está o que se liquida en dietas e manutención, que tan viaxeiro como nos está saíndo, o montante anual, que se pedirá no seu momento o seu importe por parte deste grupo político, lle axudará a ter un bó ingreso extra. Recordemos a viaxe de tres días a Fitur, en pleno recrudecemento da crise económica, ou unha viaxe de tantas a Compostela para reunirse con non sabemos quen, para anunciar que non se vai facer o acceso ao porto. Todo iso conleva o cobro das axudas de custo aprobadas en pleno pola maioría absoluta do PP ( 34 € media manutención, 68 € manutención, 0,19 €/km para coche propio, e aloxamento).
En canto as horas de traballo de cada concelleiro, recurre ao recurso fácil de dividir coste da dedicación entre horas establecidas para esa dedicación, obviando deliberadamente que a persoa que desempeñaba na anterior lexislatura a dedicación parcial, aínda que cobraba por tres horas diarias, lle adicaba cinco. E sabe perfectamente que as dúas exclusivas, non consistían só en cumprir o establecido no acordo plenario en canto ao horario, xa que invertiron as vintecatro horas do día e de catro anos en atender veciños, solucionar problemas, procurar inversións, que foron moitas e case todas sen coste para o Concello, e encauzar iniciativas e peticións nas distintas Administracións para o noso desenvolvemento. E sen rodeos e demagoxias, todo está perfectamente regulado e comprobable, e como exemplo, as vacacións do anterior alcalde non fan un mes completo en catro anos que desempeñou ese cargo.
Referente ás mocións que tanto presumen de presentar na anterior lexislatura, decir que eran unha especie de déjà vu, xa que cada certo tempo se repetían os textos e as propostas de acordo que presentaban, por certo, todas elas mocións tipo que presentaban nos Concellos por orde do seu partido, ademáis de dar lugar a un espectáculo para vanagloria dun só protagonista que se alonxaba completamente da función do que é un órgano colexiado como é unha sesión plenaria. E a política seria non consiste nun espectáculo, senón en ter criterio razoable para defender a idea na que se cree, e para defender a confianza que depositan os electores.
Así actúa e actuará este grupo político socialista, con rigor e seriedade, facendo oposición responsable, sen recurrir ao insulto, sen descalificación persoal, sen mentir, sen palabrerías vacías de contido ao que nos tiña acostumados o señor Barcia no seu sermón diario cando desempeñabamos responsabilidades de goberno, sen buscar guerra (a decir verdade, non entendemos esta infame expresión), sen mirar atrás, porque quere decir que non hai nada que ofrecer adiante, e sobre todo, só con argumentos coherentes, razoables e políticos, que é o que demanda a cidadanía.
Alfredo Llano García, Pascual Doménech Gruñeiro, Lucía Bouza Orosa, Remedios López Villar e Angela García Salgado.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
